Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
29. júní. 2011 11:37

Fyrsta skemmtiferðaskipið komið til Grundarfjarðar

Þegar árrisulir Grundfirðingar vöknuðu í morgun var fyrsta skemmtiferðaskip sumarsins lagst við ankeri úti fyrir höfninni. Von er á 15 skemmtiferðaskipum til Grundarfjarðar í sumar. Þar af koma níu skip í júlí, fjögur í ágúst en síðasta skipið kemur 2. september. Stærsta skip sumarsins verður á ferðinni 17. ágúst en það er Ocean Princesse. Skipið sem kom í morgun er það þriðja stærsta sem væntanlegt er í sumar; 174 metrar á lengd, 28 metrar á breidd og ristir 8,2 metra. Það heitir Costa Marina og er rúmlega 25 þúsund tonn að stærð. Um borð eru á fimmta hundrað franskir farþegar auk áhafnar. Þeir eru ferjarðir frá borði í land með léttabátum skipsins.

Hljómsveit er um borð í skipinu og var hún ferjuð með fyrstu ferð klukkan sjö í morgun. Hún tekur lagið í hvert skipti sem léttabátur kemur með farþegana að bryggju en það tók tíma sinn að ferja þá frá borði. Þegar blaðamaður Skessuhorns ræddi við hafnarvörð í Grundarfirði um tíuleytið í morgun var enn verið að ferja.

 

Farþegarnir fara með átta rútum um Snæfellsnes í dag og ætla einhverjir þeirra að nýta sér ferð sérleyfishafans Sterna sem farinn er að bjóða upp á hringferð um Snæfellsnesið fyrir ferðamann. Skipsflautur Costa Marina verða síðan þandar um sjöleytið í kvöld þegar þetta stóra skip siglir út Grundarfjörð, eftir að hinir frönsku farþegar þess hafa virt fyrir sér náttúrufegurð og þjónustu sem í boði er á Snæfellsnesi.

 

Næsta skip sem kemur til Grundarfjarðar er væntanlegt strax á sunnudaginn.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is