Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
01. júlí. 2011 11:17

Skagamenn óstöðvandi

Knattspyrnulið ÍA er nú með sex stiga forskot á toppi 1. deildar karla þegar níu umferðum er lokið. Liðið hefur ekki enn tapað leik og hefur einungis gert eitt jafntefli. Lykillinn að þessu góða gengi virðist vera góður varnarleikur en liðið hefur aðeins fengið þrjú mörk á sig í allt sumar. Reynir Leósson hefur náð að binda vörnina þétt saman og hefur spilað gríðarlega vel það sem af er sumri. Eins hafa þeir Hjörtur Hjartarson og Gary Martin spilað vel en þeir hafa skorað 14 af 23 mörkum ÍA liðsins. Á miðjunni ráða svo þeir Mark Doninger og Arnar Már Guðjónsson lögum og lofum en ljóst er að allir þeir sem taldir hafa verið hér þurfa að spila áfram af sama krafti ætli félagið að halda forystu sinni í deildinni.

 

 

 

Í gær síðasta fóru Akurnesingar í heimsókn á Seltjarnarnes þar sem þeir léku gegn Gróttu á gervigrasvelli þeirra. Gróttumenn hafa verið á ágætis siglingu í sumar þrátt fyrir að vera í fjórða neðsta sæti deildarinnar en þeir eru þó í öruggri fjarlægð frá botnliðunum tveimur. Leikurinn hófst rólega og greinilegt var að Seltirningar ætluðu að liggja til baka. Eftir um hálftíma leik tók Gary Martin sig til og skoraði glæsilegt mark. Hann fékk þá boltann á vinstri vængnum, hljóp með hann inn að vítateigi og skaut fallegu skoti í fjærhornið. Gjörsamlega óverjandi fyrir hinn gamalreynda Kristján Finnbogason í marki Gróttu sem þó gerði sitt besta. Staðan var enn 1-0 þegar flautað var til hálfleiks og ekki gerðist mikið markvert fram að næsta marki Skagamanna sem þó kom ekki fyrr en á 72. mínútu. Ólafur Valur Valdimarsson skaut þá boltanum úr aukaspyrnu beint inn á vítateig Gróttu. Arnar Már Guðjónsson var þar réttur maður á réttum stað, skallaði boltann í samskeytin og inn. Í þetta sinn var Kristján nær því að verja en inn fór boltinn. Staðan því orðin 0-2 fyrir gestina og þannig lauk leiknum.

 

Skagamenn eru því sem fyrr segir taplausir í deildinni og geta bætt stigum í safnið gegn KA þegar þeir fara í heimsókn til Akureyrar föstudaginn 8. júlí en leikurinn hefst klukkan 19.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is