Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
15. júlí. 2011 06:48

Farmalfagnaður á Hvanneyri á morgun

Landbúnaðarsafn Íslands á Hvanneyri efnir til Farmal-fagnaðar á Hvanneyri á morgun, laugardaginn 16. júlí. Tilefnið er að heiðra Farmalinn og nánustu ættingja hans, Nallana, af ýmsum gerðum. Farmalarnir mynduðu fyrstu bylgju heimilisdráttarvéla hérlendis – á árunum 1945-1950 og teljast því tímamótavélar í sveitum landsins. Tilgangur fagnaðarins er að kynna mikilvæga þætti úr tæknisögu landbúnaðarins. Líka að skapa forn-dráttarvélamönnum vettvang til þess að sýna dráttarvélar sínar. Síðast en ekki síst er tilgangurinn að njóta stundarinnar. Helsta mottó fagnaðarins verður Gömul vél er gaman manns

 

 

 

Til Farmal-fagnaðarins eru allir áhugamenn velkomnir með forn-dráttarvélar sínar að Hvanneyri hvaða gerðar sem eru. Eigendur Farmal-véla og annarra forn-dráttarvéla frá verksmiðjum International Harvester eru sérstaklega velkomnir með gripi sína. 

 

Fornvélarnar verða sýndar, sleginn þrælasláttur með nokkrum þeirra og farið í stuttan skrautakstur í fögru staðarumhverfinu. Valdar verða og heiðraðar fallegustu Farmal-forndráttarvélarnar.

Kynnt verður bók um þessar merku dráttarvélar sem kemur þennan dag: Alltaf er Farmall fremstur heitir hún. Höfundur hennar er Bjarni Guðmundsson en útgefandinn Uppheimar hf.

 

Sérstakur gestur á Farmal-fagnaði verður Ólafur Eggertsson bóndi á Þorvaldseyri. Með samstarfsmönnum sínum mun hann kynna dráttarvéla-eldsneyti af íslenskum akri – ræktun á repju og framleiðslu lífdísel-eldsneytis úr henni. Farmal-dráttarvél verður reynd á olíu framleiddri á staðnum.

 

Ullarselið verður á sínum stað og Guðrún Bjarnadóttir mun kynna jurtalitun bands. Farmal-vöfflukaffi verður í Skemmunni. Dagskráin hefst kl. 13 en nánar má lesa um dagskrá Farmal-fagnaðarins á  heimasíðu Landbúnaðarsafns, www.landbunadarsafn.is 

-fréttatilkynning

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is