Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
14. júlí. 2011 08:01

Hildur hlýtur Vitann – verðlaun Eyrbyggja

Vitinn, menningarverðlaun Eyrbyggja - hollvinasamtaka Grundarfjarðar, verður afhentur í þriðja sinn í Grundarfirði laugardaginn 23. júlí. Afhendingin er liður í fjölskyldudagskrá hátíðarinnar á Góðri stund og fer fram á hátíðarsvæði kl. 14. Verðlaunin eru veitt einstaklingi sem hefur látið verulega til sín taka í þágu lista, menningar eða annarra framfara í byggðarlaginu og er það stjórn samtakanna sem tilnefnir og velur verðlaunahafa.

Það er Hildur Sæmundsdóttir sem hlýtur Vitann að þessu sinni en verðlaunin fær hún fyrir störf sín að heilbrigðis- og velferðarmálum. Hildur er Grundfirðingum að góðu kunn fyrir störf sín, til dæmis í heilsugæslunni og fyrir Rauða krossinn. Hún hefur vakað yfir heilbrigðis- og velferðarmálum af mikilli elju og dugnaði um langt árabil og einnig lagt mikið af mörkum til íþrótta- og tómstundastarfs.

Vitinn var fyrst afhentur árið 2009 og hlaut Ingi Hans Jónsson hann fyrir frumkvæði sitt og þrautseigju í uppbyggingu Sögumiðstöðvarinnar og fjölmörg önnur verkefni. Árið 2010 hlaut Dögg Mósesdóttir Vitann fyrir hina ört vaxandi alþjóðlegu kvikmyndahátíð, Northern Wave Film Festival, sem haldin hefur verið í Grundarfirði undanfarin ár.

 

Aðalfundur Eyrbyggja, hollvinasamtaka Grundarfjarðar, verður haldinn á Hótel Framnesi laugardaginn 23. júlí kl 11 og eru allir áhugasamir hvattir til að mæta, segir í fréttatilkynningu.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is