Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
18. júlí. 2011 08:01

Veiðigjald næsta árs verður 9,46 kr á hvert þorskígildiskíló

Jón Bjarnason sjávarútvegs- og landbúnaðarráðherra gaf síðastliðinn föstudag út reglugerð um veiðigjald komandi fiskveiðiárs samkvæmt lögum um stjórn fiskveiða nr. 116/2006 með síðari breytingum. Veiðigjald komandi fiskveiðiárs verður samkvæmt ákvörðun ráðherra 9,46 krónur af hverju lönduðu þorskígildiskílói og er áætlað að það skili 4,5 milljarði króna í ríkissjóð. Það er umtalsverð hækkun frá yfirstandandi fiskveiðiári þar sem reiknað er með að veiðigjaldið skili um 2,7 milljörðum.  Hækkunin nú skýrist af auknum aflaheimildum og því að Alþingi ákvað með breytingum á lögum um stjórn fiskveiða að hækka gjaldið úr 9,5% í 13,3% af reiknaðri framlegð. Þannig er veiðigjald á yfirstandandi fiskveiðiári 6,44 krónur af hverju þorskígildiskílói. Sambærileg tala árið 2004 þegar veiðigjald var fyrst innheimt var 1,99 krónur. Auk hækkunar á veiðigjaldi heimilaði Alþingi að allt að 15% af veiðigjaldi ársins rynni beint til sveitarfélaga.  

 

 

 

Ekki er hægt með góðri samvisku að segja að einfalt sé að reikna út veiðigjaldið, en í tilkynningu ráðuneytisins segir orðrétt: „Veiðigjald fiskveiðiársins 1. september 2011 til jafnlengdar 2012 er reiknað út með eftirfarandi reglu: Frá aflaverðmæti tímabils sem hófst 1. maí 2010 til 30. apríl 2011 er dreginn reiknaður olíukostnaður, launakostnaður og annar rekstrarkostnaður sama tímabils. Af þeirri framlegð sem þá stendur eftir er reiknað 13,3% gjald. Síðan er deilt í þá fjárhæð með þorskígildum sem standa að baki aflaverðmætinu sem lagt er til grundvallar útreikningnum. Með því fæst veiðigjald sem lagt verður á úthlutaðar aflaheimildir og landaðan afla á komandi fiskveiðiári,“ segir í tilkynningu frá ráðuneytinu.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is