Forsíða
Auglýsing
Rss straumur af fréttum frá Skessuhorni
Náttmál. Þriðji Óðinsdagur í Gormánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
21. júlí. 2011 12:01

Norðurál gerir athugasemdir við fréttaflutning DV

Í gærkvöldi sendi Norðurál frá sér fréttatilkynningu í kjölfar fréttar sem birtist í DV. Fyrirtækið gagnrýnir vinnubrögð DV og segir þá fara með rangt mál. DV greindi frá því í gær að Sigurbjörn Hjaltason, fyrrum oddviti Kjósarhrepps, hefði lagt fram kæru til umhverfisráðuneytisins vegna meintrar ólöglegrar förgunar við flæðigryfju við álver Norðuráls á Grundartanga. Norðurál segir hinsvegar að svæðið sem um ræðir sé ekki flæðigryfja á vegum fyrirtækisins heldur urðunarstaður sem sé á ábyrgð Faxaflóahafna. Flæðigryfjur fyrirtækisins séu á öðrum stað á svæðinu, sem er girtur af og lokaður fyrir óviðkomandi umferð. Þar hafi engin förgun átt sér stað í líkingu við þá sem DV greinir frá. Hér að neðan má sjá fréttatilkynningu Norðuráls í heild sinni:

 

 

 

 

Óásættanleg vinnubrögð DV

Norðurál sér ástæðu til að gera alvarlega athugasemd við vinnubrögð DV sem birtir í dag frétt um förgun úrgangs við Grundartangahöfn er byggir á staðhæfulausum fullyrðingum. Í fréttinni er fullyrt að ólögleg förgun hafi átt sér stað við flæðigryfju álversins á Grundartanga.

Hið rétta er að urðunarstaður sá sem um ræðir kemur Norðuráli nákvæmlega ekkert við. Hann er rekinn af Faxaflóahöfnum og alfarið á ábyrgð þeirra. Urðunarstaðurinn er opinn og óvarinn fyrir hvers konar umferð og stendur vestan við verksmiðju Elkem á Grundartanga. Flæðigryfjur Norðuráls eru á allt öðrum stað sem er afgirtur og lokaður fyrir óviðkomandi umferð. Engin förgun í líkingu við það sem fjallað er um í frétt DV hefur átt sér stað við flæðigryfjur álversins á Grundartanga.

Alvarlegast við þennan fréttaflutning er þó að DV var fullkunnugt um hið sanna í málinu þegar fréttin var rituð. DV sendi Umhverfisstofnun fyrirspurn 24. júní síðastliðinn og fékk þá að vita hið rétta í málinu. Ákvörðun DV að spyrða fréttina ítrekað við álver Norðuráls á Grundartanga, þrátt fyrir að vita að málið kæmi fyrirtækinu ekki við, er því með öllu óásættanleg. 

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is