Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
26. júlí. 2011 08:06

Fimm UMSB met á fjölþrautamóti á Sauðárkróki

Fimm ungmenni frá UMSB tóku þátt í fjölþrautamóti UMSS sem fram fór á Sauðárkróksvelli fimmtudaginn 21. júlí. Þetta voru einstaklingar sem hafa æft vel í vetur og það sem af er sumri og sýnt stígandi framfarir að undanförnu. Keppt var í fjórþraut fyrir 12 og 13 ára en í fimmþraut fyrir 14 og 15 ára. Fjölþrautamót fyrir þennan aldursflokk er nýlunda hér á landi en vel þekkt erlendis. Vilja þjálfarar að fjölþrautamót verði fastur liður í mótakerfi frjálsíþróttafólks í framtíðinni. Þau muni stuðla að aukinni fjölhæfni.

 

Hér á eftir fer árangur UMSB fólksins:

 

 

 

 

Piltar 12 ára

Alls kepptu sautján piltar í þessum flokki. Grímur Bjarndal Einarsson hljóp 60 m á 9,13 sek, stökk 4,25 m í langstökki, kastaði kúlu 7,38 m og hljóp 400 m á 77,24 sek. Varð annar í stigakeppninni með 2783 stig. Hörður Gunnar Geirsson var með eftirfarandi árangur í sömu greinum; 9,33 sek, 4,38 m, 7,15 m og 76,24 sek. Var hann aðeins 0,4 sek frá UMSB meti Aðalsteins Símonarsonar í 400 m hlaupi. Varð þriðji með 2774  stig.

 

Piltar 13 ára

Fannar Yngvi Rafnarsson var í hópi fimm pilta og nálægt sínu besta í öllum greinum. Hann hljóp 60 m á 8,69 sek, stökk 4,72 m í langstökki, kastaði kúlu 8,61 m og hljóp 400 m hlaup á 64,57 sek. Hlaut annað sætið með 2329 stig.

 

Stúlkur 13 ára

Til leiks mættu átta stúlkur og voru heimamenn með þrautþjálfað og keppnisvant lið. Þorbjörg Saga Ásgeirsdóttir hljóp 60 m á 9,30 sek, stökk 4,16 í langstökki, kastaði kúlu 6,54 m og hljóp 400 m á 78,59 sek. Varð sjötta með1743 stig. Ragnheiður Árnadóttir náði eftirfarandi árangri; 10,15 sek, 3,78 m, 4,25 m og 95,34 sek. Varð áttunda með 914 stig.

 

Piltar 14 ára

Fimm piltar kepptu í þessum flokki. Ómar Ólafsson hljóp 80 m grindahlaup á 15,69 sek, kastaði kúlu 6,35 m, stökk 1,29 m í hástökki, kastaði spjóti 16,81 m og hljóp 400 m á 78,56 sek. Varð þriðji með 889 stig. Árni bróðir hans náði eftirfarandi árangri; 16,46 sek, 5,96 m, 1,35 m, 22,19 m og 75,27 sek Varð fjórði með 780 stig.

 

Piltar 15 ára

Sex piltar kepptu í þessum flokki. Baldvin Ásgeirsson hljóp 100 m grind. á 19,47 sek, kastaði kúlu 7,82 m, stökk 1,44 m í hástökki, kastaði spjóti 33,04 m og hljóp 400 m á 63,13 sek. Varð fjórði með 2083 stig. Ólafur Geir Árnason náði eftirfarandi árangri; 19,76 sek, 8,13 m, 1,44 m, 21,38 m og 67,97 sek. Hann varð fimmti með 1404 stig.

 

Árangur er UMSB met í öllum flokkum þar sem ekki hefur verið keppt í þessum fjölþrautum áður. Þau eru reynslunni ríkari. Voru t.d. öll að hlaupa 400 m í fyrsta sinn. Vonandi bæta þau  sig vel á næsta fjölþrautamóti sem verður í Borgarnesi í september.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is