Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
27. júlí. 2011 11:47

Ævintýri Skagamanna heldur áfram

Skagamenn tóku á móti Selfyssingum í toppslag 1. deildar karla í knattspyrnu í gærkvöldi. Fyrir leikinn var ÍA með 37 stig í fyrsta sæti en Selfoss var níu stigum á eftir í öðru sæti.

Aðstæður á Akranesvelli hafa oft verið betri en bæði rigning og hvassviðri settu svip sinn á leikinn. Leikmenn beggja liða voru lengi komast í takt við leikinn enda hafði rokið og blautur völlurinn talsverð áhrif á stefnu boltans.

Heimamenn léku einum færri bróðurpart leiksins eftir að Heimir Einarsson felldi Selfyssinginn Viðar Örn Kjartansson skammt fyrir utan vítateiginn á 14. mínútu. Hlaut hann rautt spjald fyrir þar sem hann var aftasti varnarmaður ÍA. Þó voru það Skagamenn sem skoruðu fyrsta mark leiksins en það kom á 20. mínútu. Það skoraði Englendingurinn Gary Martin eftir góða sendingu frá Hirti Júlíusi Hjartarsyni. Þetta blés hins vegar lífi í gestina og sóttu þeir hart á markið. Jöfnunarmarkið kom síðan þegar lítið var eftir af fyrri hálfleik. Eftir nokkurt klafs í vítateig Skagamanna náði leikmaður Selfoss að koma boltanum í netið og staðan því 1-1 í leikhléi.

 

 

 

Seinni hálfleikur svipaði til þeim fyrri framan af þar sem hart var barist um boltann og við veðrið. Heimamenn komust nálægt því að skora mark úr aukaspyrnu snemma í fyrri hálfleik en markmaður Selfyssinga varði stórglæsilega spyrnuna frá Gary Martin. Svo vildu Skagamenn fá dæmt víti stuttu seinna þegar Hjörtur Júlíus Hjartarson lenti saman við varnarmann í vítateig en dómarinn dæmdi ekki. Að örðu leyti var seinni hálfleikurinn bragðdaufur og hvorugt liðið líklegt til að bæta við marki.

Það var síðan á lokamínútu leiksins að heimamenn fengu dæmda aukaspyrnu rétt fyrir framan vítateiginn. Mark Doninger tók spyrnuna og boltinn flaug efst í markhornið, algjörlega óverjandi fyrir markmann Selfyssinga. Stuttu síðar flautaði dómarinn leikinn af og þetta því sigurmark leiksins. Lokatölur 2-1 heimamönnum í vil.

Með sigrinum styrktu Skagamenn enn betur stöðu sína á toppi deildarinnar. Eru nú með 40 stig og tólf stiga forystu á Selfoss sem situr enn í öðru sæti með 28 stig. Næsti leikur er sannkallaður nágrannaslagur gegn Víkingum Ólafsvík föstudaginn 5. ágúst á Ólafsvíkurvelli.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is