Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
27. júlí. 2011 03:01

Harmleikurinn í Noregi setti svip sinn á Reykholtshátíðina

Reykholtshátíðin var haldin í fimmtánda sinn um liðna helgi og sóttu um 800 manns þá fjóra tónleika sem voru á dagskrá að þessu sinni. Um leið var 15 ára vígsluafmælis Reykholtskirkju minnst og heiðraði forseti Íslands, Ólafur Ragnar Grímsson, söfnuðinn með nærveru sinni. Dagskráin var fjölbreytt að venju og boðið var upp á stórkostlega tónlist og frábæra listamenn frá Íslandi, Noregi, Litháen, Englandi og Svíþjóð. Auður Hafsteinsdóttir er listrænn stjórnandi hátíðarinnar en hún sagði Reykholtshátíðina hafa verið stórkostlega frá upphafi til enda. „Mér þótti vænt um hvað allir lögðust á eitt við að gera hátíðina sem glæsilegasta, heimafólk, aðstoðarfólk mitt, listamenn og hátíðargestir. Hún hefði varla getað heppnast betur,“ sagði Auður en sagði þó að voðaverkin í Noregi hafi þó sett svip sinn á hátíðina en á henni voru staddir fjölmargir Norðmenn, bæði tónlistarfólk og almennir ferðamenn. „Tónleikarnir sem Norðmennirnir héldu á laugardeginum voru í senn hátíðlegir og magnþrungnir, en þeir spiluðu meðal annars selló sónötu eftir norska tónskáldið Edvard Grieg. Vegna atburðanna í Ósló og Útey báðu þeir hins vegar um að ekki yrði klappað,“ sagði Auður Hafsteinsdóttir en meðal hátíðargesta voru sendiherrar Norðurlandanna. Tengsl Reykholts við Noreg hafa ávallt verið sterk enda skrifaði Snorri Sturluson stóran hluta af sögu Noregs á sinni tíð í Reykholti. Flaggað var í hálfa stöng fyrir utan Reykholtskirkju og var samhugur ríkjandi meðal gesta.

 

Í Skessuhorni vikunnar sem kom út í dag má sjá fleiri myndir frá hátíðinni.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is