Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
08. ágúst. 2011 09:33

Baráttusigur Skagamanna í Ólafsvík

Skagamenn unnu góðan 1:0 sigur á erfiðum útivelli í Ólafsvík á föstudagskvöldið, en þurftu svo sannarlega að hafa fyrir sigrinum gegn baráttuglöðum Ólsurum. Mikil stemning var á vellinum í blíðskaparveðri og fjöldi manns sem mætti til að fylgjast með, þar af drjúgur hópur stuðningsmanna ÍA.

ÍA liðið byrjaði betur og náði forystunni strax á 7. mínútu. Gary Martin tók aukaspyrnu rétt utan vítateigs og þrumaði boltanum í átt að marki og með viðkomu í varnarmanni Víkinga söng hann í vinklinum fjær. Glæsilegt mark sem reyndist sigurmarkið í leiknum. Með sigrinum eru Skagamenn komnir í 43 stig og eru nú hársbreidd frá því að tryggja sér sæti í efstu deild þótt sjö umferðir séu eftir.

Haukar sem eru í þriðja sætinu í deildinni töpuðu fyrir KA um helgina og hafa möguleika að ná 45 stigum, þannig að með sigri á BÍ/Bolungarvík á Akranesvelli nk. föstudagskvöld tryggir ÍA sæti meðal þeirra bestu að ári.

 

Leikurinn í Ólafsvík var fremur jafn í heildina en gestirnir náðu að skapa sér opnari færi og voru Skagamenn í tvígang nálægt því að bæta við marki undir lok fyrri hálfleiks en áður hafði Páll Gísli þurft að taka á honum stóra sínum í marki ÍA. Síðari hálfleikur var ekki ósvipaður þeim fyrri. Ólsarar meira með boltann en Skagamenn vörðust. Þrátt fyrir það gaf vörn Skagamanna enginn færi á sér og heimamönnum tókst ekki að jafna metin.

 

Víkingar eru sem fyrr í 7. sæti deildarinnar með 19 stig. Þeir mæta næst Leiknismönnum í Breiðholtinu nk. fimmtudagskvöld og er sá leikur mjög mikilvægur báðum liðum. Víkingar myndu með sigri stíga stórt skref í að tryggja veru sína í deildinni, en Leiknismenn þurfa sárlega á sigri að halda.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is