Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
12. ágúst. 2011 11:01

Sigurmark Víkinga kom í uppbótartíma

Víkingur Ó. heimsótti Leikni R. í hörkuleik liðanna í 16. umferð 1. deild karla í knattspyrnu í höfuðborginni í gær. Það var allt undir hjá Leiknismönnum sem þurftu á sigri að halda til að hífa sig upp úr fallbaráttunni, en Víkingar gátu hins vegar með sigri styrkt stöðu sína í efri hluta deildarinnar.

Leikurinn fór hratt af stað og kom fyrsta mark heimamanna á þriðju mínútu en dómarinn dæmdi það af sökum rangstæðu. Aðeins þrem mínútum síðar skoruðu Víkingar fyrsta löglega mark leiksins. Guðmundur Magnússon komst þá inn í laflausa sendingu varnarmanns Leiknis, framhjá markverðinum og rúllaði boltanum auðveldlega í netið. Staðan orðin 0-1 Víkingum í vil. En Adam var ekki lengi í paradís og á 16. mínútu jöfnuðu heimamenn eftir mikinn barning innan vítateigs Víkinga. Aðeins mínútu síðar var sóknarmaður Leiknis felldur í vítateignum og vítaspyrna dæmd. Vítabananum Einari Hjörleifssyni brást bogalistin að þessu sinni og staðan allt í einu orðin 2-1 Leiknismönnum í vil og þannig var hún þar til dómarinn flautaði til leikhlés.

 

 

 

 

Víkingar komu þó ákveðnir til leiks í seinni hálfleik og pressuðu jafnt og þétt að marki Leiknismanna. Jöfnunarmarkið hafði því legið lengi í loftinu þegar það kom loksins á 84. mínútu. Þar var Guðmundur Magnússon aftur á ferðinni en hann skoraði með skalla eftir langt innkast frá Tomasz Luba. Í uppbótartíma fengu Víkingar svo dæmda vítaspyrnu og á punktinn steig Artjoms Goncars. Hann gerði sér lítið fyrir og skoraði sigurmark leiksins. Lokatölur 2-3 Víkingum í vil.

Víkingar komust með sigrinum upp í 6. sæti deildarinnar og eru nú með jafnmörg stig og BÍ/Bolungarvík sem eiga leik til góða gegn ÍA í kvöld.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is