Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
15. ágúst. 2011 06:48

Pakkhúsið í Vatnshorni vígt eftir endurbyggingu

Síðastliðinn laugardag mætti hópur fólks að Vatnshorni í Skorradal þar sem gamla Pakkhúsið hefur nú verið endurbyggt. Tilefnið var vígsla hússins sem forseti Íslands, Ólafur Ragnar Grímsson, framkvæmdi. Athöfnin var einn af fjölmörgum liðum á Alþjóðlegu ári skóga hér á landi. Á sú tenging vel við þar sem Pakkhúsið er fyrsta húsið sem alviðað er íslensku timbri og var viðburðurinn því sögulegur sem slíkur. Skógrækt ríkisins gaf timbur frá Stálpastöðum í Skorradal til verksins. Stefán Ólafsson húsasmíðameistari á Litlu-Brekku hafði veg og vanda af endursmíðinni og Unnsteinn Elíasson hleðslumeistari frá Ferjubakka sá um vegghleðslu undir húsið. Skorradalshreppur kostaði niðurtöku þess sem stóð eftir af gamla pakkhúsinu. Félagsskapurinn Vinir Pakkhússins aflaði síðan fjár til endurbyggingarinnar.

 

 

 

Í tilefni af vígslu Pakkhússins komu norskir gestir frá Skogselskapet Bergen og Hordaland í Noregi til landsins, m.a. Loftur Þór Jónsson fylkisskógameistari í Hordalandi ásamt Lars Sponheim fylkisstjóra, en Bjarni Bjarnarson frá Vatnshorni, síðar kenndur við Grafarholt, var við nám í jarðyrkjuskólanum í Stend í Hordalandi um 1880 og er talinn hafa flutt heim með sér norskt tilsniðið timbur til pakkhússsmíðinnar.  Athöfnin á laugardaginn hófst með ræðu Huldu Guðmundsdóttur, skógarbónda á Fitjum og framkvæmdarstjóra Alþjóðslegs árs skóga hér á landi. Fór hún yfir sögu staðarins og tilurð Pakkhúsins.  Jón Loftsson skógræktarstjóri hélt síðan ræðu og fór yfir aðkomu Skógræktar ríkisins að verkinu.  Talaði hann einnig um að Skógræktin þyrfti að huga að endurgerð gamalla húsa á þeim jörðum sem heyrðu undir hana. Að lokum hélt Ólafur Ragnar Grímsson forseti ræðu. Svo skemmtilega vill til að afi Ólafs Ragnars, Kristgeir Jónsson, bjó um um aldamótin 1900 í Bakkakoti sem er næsti bær við Vatnshorn og Grímur faðir hans fæddist þar, nokkru eftir að þetta elsta hús í hreppnum var upphaflega reist.  Eftir að forsetinn hafði klippt á borða og opnað húsið formlega kom í  ljós að inni í því beið danshópurinn Sporið og kom hann þá út undir dillandi harmonikkutónum og dansaði gamla þjóðdansa í Vatnshorni fyrir gesti.  Að lokum var síðan boðið til veislu á Fitjum.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is