Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
17. ágúst. 2011 10:13

Skagamenn búnir að tryggja sér úrvalsdeildarsætið

Í gærkvöldi náði knattspyrnulið ÍA að vinna sér inn þátttökurétt í úrvalsdeild karla á næstu leiktíð. Liðið þurfti einungis að fá eitt stig úr síðustu sex leikjum sínum en fyrir leikinn áttu Haukar fræðilegan möguleika á því að ná sama stigafjölda og ÍA. Eftir leiki gærdagsins er hinsvegar ljóst að svo verður ekki og Skagamenn fögnuðu því gríðarlega í lok leiksins á ÍR-vellinum þegar eitt stig til viðbótar var í höfn. Lokastaðan var 1-1 og það var Hjörtur Júlíus Hjartarson sem skoraði fyrir þá gulklæddu. ÍA var með nokkuð vængbrotið lið en margir af þeim sem hafa verið byrjunarliðsmenn í sumar voru ekki með í gær. Munaði þar mikið um Gary Martin, Arnar Má Guðjónsson, Heimi Einarsson og Guðmund Böðvar Guðjónsson.

 

 

 

 

Það var greinilegt að Skagamenn voru ekki alveg á tánum í byrjun leiksins í gær. Þeir litu út fyrir að vera örlítið stressaðir enda mikið í húfi. ÍR-ingar höfðu því frumkvæði og áttu fyrsta hættulega færið í leiknum sem þeim tókst reyndar ekki að nýta. Eftir um hálftíma leik komust þeir yfir með marki Árna Freys Guðnasonar sem skaut beint úr aukaspyrnu og Páll Gísli í marki ÍA kom engum vörnum við. Skagamenn fengu stuttu síðar vítaspyrnu en annan leikinn í röð náðu þeir ekki að nýta tækifærið. Síðast brenndi Mark Doninger af og því kom það í hlut Hjartar að taka spyrnuna sem markvörður ÍR varði. Staðan í hálfleik var því 1-0.

 

Hjörtur bætti fyrir mistökin snemma í síðari hálfleik þegar hann skoraði með góðum skalla og staðan því 1-1 eftir tæplega klukkutíma leik. Tólfta markið hans í fimmtán leikjum í sumar og er hann markahæstur í deildinni. Eftir þetta fjaraði leikurinn smám saman út og fátt markvert gerðist.

 

Það var því ljóst eftir leikinn að Skagamenn munu spila í efstu deild að ári og var fögnuður þeirra fölskvalaus. Þeir eiga góðan möguleika á að sigra deildina en til þess þurfa þeir fjögur stig úr þeim fimm leikjum sem eftir eru. Með sigri á Haukum í næstu umferð fara þeir langt með að tryggja sér sigurinn. Leikurinn fer fram á föstudaginn, kl. 19 og verður á Akranesvelli.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is