Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
22. ágúst. 2011 08:01

Grundfirðingar stigahæstir í 3. deild eftir sigur á Borgnesingum

Grundarfjörður og Skallagrímur áttust við sl. föstudag á Grundarfjarðarvelli. Þetta var síðasta umferðin í C-riðli þriðju deildar og gátu Grundfirðingar með sigri, tryggt sér efsta sætið í riðlinum. Það var fljótt ljóst hvert stefndi því að leikurinn var ekki nema tveggja mínútna gamall þegar Heimir Þór Ásgeirsson náði að skora laglegt mark í fjærhornið og koma Grundfirðingum yfir. Heimamenn tóku eftir það öll völd á vellinum og Heimir Þór var aftur á ferðinni á 24. mínútu þegar hann náði að skora eftir hornspyrnu að marki Borgnesinga og koma heimamönnum í 2-0. Þannig var staðan í leikhléi.

 

 

 

 

Í síðari hálfleik komu Skallagrímsmenn mun grimmari til leiks og reyndu hvað þeir gátu til að minnka muninn og koma sér inn í leikinn, en Ingólfur í marki Grundarfjarðar stöðvaði ófáar sóknarlotur þeirra. Það var svo á 66. mínútu að Heimir Þór náði að fullkomna þrennu sína þegar hann kom Grundfirðingum í 3-0. Við þetta mark var sem allur vindur væri úr Skallagrímsmönnum og Grundfirðingar náðu að bæta við tveimur mörkum áður en yfir lauk. Fyrst var það Finnbogi Llorens á 78. mínútu og loks Birkir Freyr Baldursson, sem var nýkominn inná sem varamaður, þegar hann skoraði á 83. mínútu með sinni fyrstu snertingu og kom heimamönnum í 5-0. Þannig var lokastaðan í leiknum og Grundfirðingar héldu toppsætinu í riðlinum. Þeir luku riðlinum með 35 stig sem er mesti stigafjöldi allra liða í þriðju deildinni.

 

Grundfirðingar mæta Magna frá Grenivík í úrslitakeppninni. Fyrri leikur liðanna fer fram á Grenivík laugardaginn 27. ágúst og þá koma Magnamenn í heimsókn á Grundarfjarðarvöll þriðjudaginn 30. ágúst.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is