Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
02. september. 2011 12:01

Fimm nýjar sýningar framundan í Landnámssetrinu

Í vetur verða að minnsta kosti fimm nýjar sýningar frumsýndar á Söguloftinu í Landnámssetrinu, sú fyrsta 24. september næstkomandi. Þar mun Þór Tulinius flytja einleik sinn Blótgoða, uppistand um helvítis heiðingja í leikstjórn Peters Engkvist. Í verkinu lifnar hugarheimur Íslendinga fyrir kristnitöku við í flutningi leikarans sem bregður sér í líki margra sögufrægra persóna, svo sem Snorra Goða, Þorgeirs Ljósvetningagoða, Síðu-Halls og fleiri.  Verkið Lífsdagbók ástarskálds verður frumsýnt 15. október en þar gerir Þórarinn Hjartarson sýningu um ævi og ástir Páls Ólafssonar. Þórarinn hefur sungið ljóð Páls Ólafssonar til nýs lífs síðasta áratuginn. Meðal annars með rómaðri plötu sinni og Ragnheiðar Ólafsdóttur; Söngur riddarans. Nú gengur hann skrefinu lengra og rekur ástar- og ævisögu Páls í söng, ljóðum og frásögn.

 

 

 

Frá og með 4. nóvember mun grínistinn Ari Eldjárn verða með sýninguna Gamanmál Ara að hans eigin höfði. Þessi afkomandi rómaðra fræðimanna og rithöfunda ruglar í áhorfendum þannig að enginn veit að lokum sitt rjúkandi ráð, en allir fara að vonum glaðir út.

Að lokum munu feðgarnir frá Kirkjubóli, Guðmundur Böðvarsson og Böðvar Guðmundsson, verða í aðalhlutverki í frumsýningum tveggja sýninga í janúar. Báðar verða sýningarnar í fullri lengd hvor um sig sem samt eru í sögulegu samhengi. Fyrri sýningin heitir Skáldið sem sólin kyssti en þar mun Silja Aðalsteinsdóttir segja sögu ljóðskáldsins, bóndans og hugsjónarmannsins Guðmundar Böðvarssonar. Seinni sýningin heitir Sögur úr síðunni og þar fer Böðvar Guðmundsson með eigið efni. Böðvar, sem er einn af okkar ástsælustu rithöfundum, hefur líka gert garðinn frægan sem laga og textahöfundur, trúbadúr og leikskáld. Hann tók við skáldakyndlinum af föður sínum og heldur honum hátt á lofti eins og áhorfendur munu sjá á Söguloftinu í vetur.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is