Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
05. september. 2011 09:01

Brautskráð frá Háskólanum á Bifröst

Síðastliðinn laugardag voru ríflega 80 nemendur útskrifaðir frá Háskólanum á Bifröst, úr frumgreinanámi, grunnámi í viðskiptafræði, viðskiptalögfræði og HHS (heimspeki, hagfræði og stjórnmálafræði) ásamt meistaranemum úr öllum deildum skólans. Í útskriftarræðu sinni talaði Bryndís Hlöðversdóttir rektor um hlutverk háskóla í samfélaginu. Þeir bæru mikla ábyrgð, þeir menntuðu flesta leiðtoga heimsins og það skipti því verulegu máli hvernig háskólar nálgast viðfangsefnin sem við mannkyninu blasa. Góður stjórnandi stefnir ekki aðeins að því að hámarka arð fyrirtækisins til skamms tíma, heldur þurfi hann einnig að horfa til framtíðar og reka fyrirtækið í sátt við umhverfi og samfélag með hagsmuni framtíðarkynslóða að leiðarljósi.

 

 

 

 

Í fyrsta sinn voru útskrifaðir meistaranemar í menningarfræðum en námið er samstarfsverkefni Háskólans á Bifröst og Háskóla Íslands og er gráðan því sameiginleg frá báðum skólunum. Talaði Bryndís um að háskólararnir gætu í mun ríkari mæli en nú eflt námsframboð verulega með því að standa sameiginlega að námsleiðum og auka þannig gildi íslenskrar háskólamenntunar.  Til þess þyrftu háskólar að vera tilbúnir að horfa út fyrir hinn hefðbundna ramma og ryðja ýmsum praktískum hindrunum úr vegi, sem oft á tíðum væru lítið annað en kerfislæg atriði.

 

Í ávörpum fulltrúa allra útskriftarhópa kom fram mikil ánægja með að hafa valið Háskólann á Bifröst. Hann væri frábrugðinn öðrum háskólum og leggði mikla áherslu á persónlega kennslu og jafnframt að mikið verkefnaálag skólans væri gott vegarnesti fyrir framtíðina.

 

Sjálfbærnimarkmið Háskólans í Bifröst

Bryndís Hlöðversdóttir sagði frá því að Háskólinn á BIfröst væri að setja sér sjálfbærnistefnu og hefði fyrstur íslenskra háskóla skráð sig í verkefni á vegum Sameinuðu þjóðanna, átak til menntunar ábyrgra. Fjölmargar erlendar menntastofnanir væru þátttakendur, þar á meðal margir úr röðum bestu háskóla í heimi. Þeir skólar sem tækju þátt í verkefninu væru þannig að svara kalli um breytt hlutverk stjórnenda og leiðtoga - að þeir hafi þekkingu og færni til að horfa til framtíðar þegar ákvarðanir væru teknar og séu líklegir til að meta samfélagsleg áhrif af ákvörðunum sínum.  Um leið sé verkefnið samstarfsvettvangur háskóla víða um heim þar sem færi gæfist að miðla reynslu og skoða sjálfbærnimarkmið í ljósi þess mikilvæga hlutverks sem háskólarnir gegna í samfélaginu.

Þá sagði Bryndís frá því að námsinnihaldið á Bifröst hefði þegar tekið breytingum í þessa veru og að í allri starfsemi skólans verði markmið sjálfbærrar þróunar höfð í fyrirrúmi og aukin áhersla lögð á framsækni varðandi umhverfismál, orkunotkun, pappírsnotkun, sorpflokkun o.s.fv. Þá væri aukin tengsl háskólans við nærsamfélagið einn þáttur sem félli undir markmiðssetningu skólans.

 

Tíu ára afmæli náms í viðskiptalögfræði

Bryndís nefndi einnig í ræðu sinni að tíu ár væru síðan að brotið hefði verið blað í sögu íslenskrar lögfræðimenntunar þegar að nám í viðskiptalögfræði var tekið upp á Bifröst. Það hefði haft gríðarleg áhrif á þróun þeirrar menntunar hér á landi og að samkeppnin sem varð til við þessa þróun hafi haft jákvæð áhrif á þróun laganáms hér á landi. Fjölbreytnin kallaði á að fleiri sjónarmið nytu sín og yki um leið víðsýni og faglega umræðu innan stéttarinnar.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is