Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
05. september. 2011 06:44

Fyrsta skóflustunga tekin að verkstæðishúsi Hamars á Grundartanga

Enn fjölgar í iðnaðarþorpinu sem væntanlega mun byggjast upp á Grundartanga næstu áratugina. Síðasta föstudag var allstór hópur fólks samankominn við lóðina Klafastaðaveg 12 þar sem tekin var fyrsta skóflustungan að 1300 fermetra húsi vélsmiðjunnar Hamars. Kári Pálsson framkvæmdastjóri Hamars segir að húsið verði eitt glæsilegasta vélaverkstæði sem byggt hefur verið á Íslandi, auk þess sem allur aðbúnaður fyrir starfsmenn verði fyrirtaks, svo sem gufuböð og heitir pottar.  Hamar er 13 ára fyrirtæki með aðalbækistöðvar í Kópavogi, en er með starfsstöðvar á nokkrum stöðum á landinu. Hamar hefur síðustu misserin verið með bráðabirgðaaðstöðu á Grundartanga í gámum, enda síðustu þrjú árin haft 20-70 manns að störfum á svæðinu. Kári segir að ekki hafa verið hægt að bíða með það lengur að byggja upp á Grundartanga, enda ljóst að um öfluga framtíðarstarfsstöð yrði þar að ræða.

 

 

 

“Ætli við séum ekki með þéttasta þjónustustöðvanetið í þessari iðngrein í landinu. Alls staðar þar sem við höfum sett okkur niður hefur eitthvað farið að gerast. Við höfum samt gætt að því að eiga fyrir þeim framkvæmdum sem við höfum lagt í,” segir Kári. Hamar er með starfsstöðvar á Akureyri, Eskifirði og Þórshöfn á Langanesi. Kári segir að einnig sé tilbúin starfsstöð í Sandgerði þegar álverið í Helguvík kemst í gagnið. Þá sé ljóst að starfsstöðin á Þórshöfn verði gulls ígildi ef olíuleitin ber árangur á Drekasvæðinu.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is