Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
23. september. 2011 11:01

Snæfellsbær og Akranes skora hátt hjá Vísbendingu

Tímaritið Vísbending, sem skrifar um viðskipti og efnahagsmál, gefur á hverju ári út grein þar sem fjallað er um fjárhagslega stöðu tæplega fjörutíu stærstu sveitarfélaganna í landinu. Niðurstaðan er sú að eitt sveitarfélag stendur uppúr og hefur á stundum verið notast við orðið Draumasveitarfélag í því samhengi. Samkvæmt Vísbendingu 16. september sl. er það Garðabær sem ber höfuð og herðar yfir önnur sveitarfélög, en í öðru sæti er Snæfellsbær, sem reyndar vermdi toppsætið árið 2009. Akraneskaupstaðar bætir sig mjög á listanum og er nú í fimmta sæti yfir Draumasveitarfélagið.

 

 

 

 

Mat Vísbendingar byggir að mestu á ársreikningum 2010. Meðal þess sem tekið er tillit til er að skattheimta þarf að vera sem lægst, breytingar á íbúafjölda þurfa að vera hóflegar, afkoma sem hlutfall af tekjum þarf að vera sem næst 10%, hlutfall nettóskulda af tekjum þarf að vera sem næst 1,0 og veltufjárhlutfall þarf að vera hagstætt þannig að lausafjárstaða sé góð. Ítrekar Vísbending að þessir mælikvarðar gefi einungis vísbendingu um fjárhagslegan styrk sveitarfélaga en segi ekkert um lífsgæði í viðkomandi sveitarfélögum að öðru leyti. Í umfjöllun Vísbendingar kemur fram að staða sveitarfélaga hafi almennt verið veik eftir hrun. Fóru þau skuldsett inn í kreppuna í kjölfar bankahrunsins og mörg þeirra fóru illa út úr skuldsetningu í erlendri mynt. Veik staða margra sveitarfélaga hefur dregið úr framkvæmdum og orðið hefur að draga úr þjónustu, á versta tíma þegar mörg sveitarfélög hefðu þurft að auka framkvæmdir til að bæta atvinnuástand.

 

Standa afar misvel

Að þessu sinni fengu 13 af 39 stærstu sveitarfélögum landsins meira en 5,0 í einkunnagjöf Vísbendingar en í fyrra voru þau einungis níu talsins. Að þessu sinni er Garðabær draumasveitarfélagið að mati Vísbendingar og heldur sæti sínu frá því 2010, með 8,7 (af 10,0). Í öðru sæti nú er Snæfellsbær með 7,4. Fer úr 6. sæti árið 2010 en Snæfellsbær var Draumasveitarfélagið árið 2009. Í þriðja sæti er Dalvíkurbyggð sem heldur sæti sínu frá því í fyrra og fær nú 7,3. Í fjórða sæti er Akureyri, hækkar um eitt sæti. Í fimmta sæti er Akraneskaupstaður sem fer úr 14. sæti árið 2010 og hlýtur nú 7,0. Það er töluvert hástökk því árið 2010 var einkunn Akraness 4,6 og 3,6 árið 2009. Af öðrum sveitarfélögum af Vesturlandi má nefna Borgarbyggð sem bætir sig verulega milli ára, fer í 20. sæti á listanum úr 32. sæti árið 2010 með 4,2. Stykkishólmur er nú í 28. sæti með 3,5 og bætir stöðu sína gagnvart öðrum sveitarfélögum um tvö sæti líkt og Grundarfjarðarbær sem fer úr 37. sæti í 35. með einkunina 2,4. Sveitarfélagið Álftanes rekur lestina með 1,7 í í 39. sæti.

 

Þá birtir Vísbending lista yfir skuldir og tekjur nokkurra sveitarfélga miðað við íbúafjölda. Þar kemur fram að skuldir sem hlutfall af tekjum eru hæstar í Reykjanesbæ, eða 342%. Í Grundarfirði er hlutfallið 242%, 176% í Stykkishólmi, 166% í Borgarbyggð, 114% á Akranesi, 99% í Snæfellsbæ og 56% í Dalabyggð.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Dalabyggð

Hornabú

Grundarfjarðarbær

ATH! Breyttur tími og dagsetning stofnun Matarklasa

Grundarfjarðarbær

Sorphirða

Grundarfjarðarbær

Aðalskipulag Grundarfjarðar - tillaga

Grundarfjarðarbær

Hunda- og kattahreinsun

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is