Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
27. september. 2011 02:17

Minningarfyrirlestur um Snorra Sturluson í kvöld

Snorrastofa í Reykholti hefur frá upphafi stofnunarinnar minnst dánardægurs Snorra Sturlusonar með fyrirlestri. Í kvöld heldur Viðar Pálsson sagnfræðingur með fyrirlestur í Bókhlöðu Snorrastofu, sem hann nefnir Einstaklingurinn og listaverkið, hugmyndafræðilegar rætur íslenska skólans. Að venju hefst hann kl. 20:30 og er öllum opinn. Boðið verður uppá kaffihressingu í hléi og er hún innifalin í aðgangseyri, sem er 500 krónur. Með fyrirlestrinum ýtir Snorrastofa úr vör viðburðum vetrarins, sem verða fjölbreyttir að vanda.

 

 

 

 

 

Einstaklingurinn, sköpunargáfan og listaverkið hlutu mikið rúm í söguskoðun „íslenska skólans“ um og fyrir miðja síðustu öld, og þóttust menn þar kenna kjarna fornnorrænnar menningar og frumforsendu helstu afreka hennar. Í fyrirlestrinum verða hugmyndafræðilegar rætur slíkrar túlkunar hins vegar raktar til mennta- og menningarstrauma á nítjándu öld—einkum innan hins þýskumælandi heims—fremur en til norrænnar fortíðar. Færð verða rök að því að merkisberar íslenska skólans, einkum Einar Ól. Sveinsson og Sigurður Nordal, endurómi grunnstef sem þegar um miðja nítjándu öld urðu áberandi í fræðilegri umræðu í Evrópu og sóttu mjög á rétt um það leyti sem Um Sturlungaöld og Íslenzk menning voru rituð, tvö öndvegisrit rannsóknarhefðarinnar. Þannig hafi alþjóðlegar og nútímalegar hugmyndir mótað skilning íslenska skólans á forníslenskri menningu og bókmenntum með afgerandi hætti.

Viðar Pálsson lauk doktorsprófi í sagnfræði frá Kaliforníuháskóla í Berkeley. Hann er stundakennari við Háskóla Íslands í miðaldafræðum og réttarsögu. Meðal fyrirliggjandi rannsóknarverkefna hans má nefna þýðingu á og skýringar við Hamborgarbiskupasögu Adams frá Brimum, í félagi við Sverri Jakobsson.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is