Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
29. september. 2011 09:01

Haustfagnaður í vændum í Dölum

Helgina 21. - 22. október næstkomandi verður Haustfagnaður Félags sauðfjárbænda í Dalasýslu haldinn. Er þetta í sjöunda skiptið sem er blásið til þessarar hátíðar sem verður stærri og umfangsmeiri með hverju árinu. Að venju hefst hátíðin á föstudeginum með opnum fjárhúsum og hrútasýningu í norðurhólfi og eru það hjónin, Guðrún og Hermann á Klifmýri á Skarðsströnd sem bjóða heim að þessu sinni. Að hrútasýningu lokinni er haldið í Dalabúð í Búðardal þar sem veisluborðið svignar undan sviðum í hinum ýmsu myndum og meðlæti við hæfi. Þegar allir verða orðnir saddir og sælir taka við hagyrðingar. Við hagyrðingaborðið munu sitja Helgi Björnsson á Snartarstöðum, Jóhannes Sigfússon á Gunnarsstöðum, Pétur Pétursson (betur þekktur sem Stera Pétur), Guðrún Jónína Magnúsdóttir Smábæ í Borgarfirði og Helga Guðný Kristjánsdóttir Botni í Súgandafirði. Þessi fimm fræknu munu fræða gesti um landsins gagn og nauðsynjar í bundnu máli af sinni alkunnu snilld. Sá sem stýrir kvöldinu er Bjarni Harðarson. Endar kvöldið með sjálfum sveiflukónginum Geirmundi og hans strákum.

 

 

 

 

Laugardagurinn mun hefjast með opnum fjárhúsum og hrútasýningu í suðurhólfi hjá þeim hjónum, Áslaugu og Jónasi að Hömrum í Haukadal. Að lokinni hrútasýningu verður haldið í Reiðhöllina í Búðardal og verður þar margt að sjá. Þar fer meðal annars fram meistaramót Íslands í rúningi.

 

Skráning í prjónasamkeppni Hausthátíðar verður í Reiðhöllinni. Í ár á að prjóna fylgihluti úr íslenskri ull. Nú verður sú nýbreytni að keppt verður í flokki fullorðinna og flokki barna 16 ára og yngri. Skátarnir verða með skemmtilega leiki fyrir börnin. Kvenfélagskonur Þorgerðar Egilsdóttur verða með kaffi og fleira. Um kvöldið verður grillveisla að hætti FSD í Dalabúð með hinum ýmsu uppákomum; verðlaunaafhending fyrir efstu hrútana í hverjum flokki, besta hrútinn í sýslunni og afurðahæstu ær sýslunnar. Endar svo fagnaðurinn með stórdansleik þar sem strákarnir Í svörtum fötum hafa lofað að halda uppi stuðinu fram eftir nóttu.

-Fréttatilk.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is