Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
29. september. 2011 09:35

Ungbændakeppni meðal dagskrárliða á Sauðamessu í ár

Sauðamessa 2011 verður haldin í Borgarnesi laugardaginn 15. október. Messuhald hefst að vanda kl. 13.30 með fjárrekstri frá Dvalarheimilinu og eftir Borgarbrautinni, yfir holt og hæðir að réttinni við Skallagrímsgarð. Við tekur viðburðarík dagskrá í garðinum til kl. 16.28. Meðal þeirra sem fram koma eru Óskar Pétursson stórsöngvari frá Álftagerði, Stór Ásfjölskyldan (The Big Ace band), Kristján Björn Snorrason (upplyftari), Guðbjartur Hannesson velferðarráðherra o.fl. Mestu átvögl alheimsins éta kappi í árlegu lærakappáti. Borgfirskir sauðfjárbændur bjóða öllum í kjötsúpu eins og hún gerist best, Raftar sjá um framreiðslu súpunnar eins og fyrri ár. Sauðamessumarkaðurinn verður síðan að sjálfsögðu á sínum stað og ýmislegt fleira sem enn er ekki komið í ljós en skýrist vonandi fyrir 15. október árið 2011. 

Lopapeysukeppni

Á Sauðamessu verða veittar viðurkenningar fyrir sauðslegasta klæðaburðinn í þremur flokkum: 1. Fallegasta lopapeysan. 2. Frumlegasta lopaflíkin. 3. Flottasta lopahúfan. Skráning á staðnum.

 

Ungbændakeppni

Aðstandendur Sauðamessu og Samtök ungra bænda hafa gert með sér samkomulag um að halda Landskeppni ungbænda í tengslum við Sauðamessu. Keppnin fer fram við Menntaskóla Borgarfjarðar um leið og hátíðarhöldum í Skallagrímsgarði lýkur kl. 16.33. Þar leiða bestu, öflugustu, snörpustu og gáfuðustu ungbændur úr hverjum landsfjórðungi saman hesta sína í geysispennandi keppni þar sem reynir á þor og þol, snerpu, útsjónarsemi og grimmd keppenda.

 

Sauðamessuball

Sauðamessuballið verður að vanda í Reiðhöllinni í Borgarnesi, en nú glæsilegra og fjörugra en nokkru sinni. Hljómsveitin Skítamórall leikur fyrir dansi. Miðaverð (sem fyrr) 2.500 kr.

Sauðamarkaður

Allir sem hafa eitthvað sauðslegt fram að færa geta pantað pláss í markaðstjöldum í Skallagrímsgarði. Markaðsstjóri er Hlédís: S: 892-1780.

-Fréttatilk.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is