Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
29. september. 2011 09:44

Landsbankinn lækkar skuldir heimila

Nú í októbermánuði mun Landsbankinn kynna niðurstöður skuldalækkunar bankans fyrir viðskiptavinum sínum.  Skuldalækkunin snertir nálega 60 þúsund viðskiptavini og mun skipta verulegu máli fyrir þúsundir heimila. „Skuldalækkunin sem kynnt var til sögunnar í maí er möguleg vegna traustrar fjárhagsstöðu bankans og er ætlað að styðja við endurreisn heimila og atvinnulífs í samræmi við stefnu hans,“ segir í tilkynningu frá bankanum. Skuldalækkun bankans er þríþætt. Í fyrsta lagi fólst hún í lækkun fasteignaskulda með aðlagaðri 110% leið þar sem miðað var við fasteignamat í stað verðmats áður. Með því lækkuðu skuldir meira en áður var mögulegt og einnig var ákveðið að aðrar aðfarahæfar eignir komi almennt ekki til frádráttar. Í öðru lagi endurgreiðir Landsbankinn skilvísum viðskiptavinum 20% af þeim vöxtum sem þeir hafa greitt frá 1. janúar 2009 til 30. apríl 2011. Endurgreiðslan kemur fyrst til lækkunar lána, en séu viðskiptavinir skuldlausir fá þeir upphæðina lagða inn á reikning. Í þriðja lagi verða skuldir umfram greiðslugetu lækkaðar, t.d. yfirdráttur, skuldabréfalán og lánsveð. Sú lækkun getur numið 8 milljónum króna hjá hjónum, en 4 milljónum króna hjá einstaklingum.

 

 

 

„Meginmarkmið Landsbankans á þessu árið hefur verið að hraða uppgjöri skuldamála heimilanna. Að mati forsvarsmanna bankans voru þær leiðir sem í boði voru of tafsamar og flóknar og því var öll vinna við úrvinnslu skuldamála einfölduð og henni hraðað með sjálfvirkum keyrslum úr gagnagrunnum. Þetta skilaði m.a. því að þó aðeins 2000 manns hafi sótt um 110% leið verða skuldir rúmlega 3.500 lækkaðar til samræmis við niðurstöðu leitar í gagnagrunnum bankans,“ segir að lokum í tilkynningu bankans.

 

Allir viðskiptavinir fá sent bréf um stöðu lána sinna og þeir sem sækja um lækkun annarra skulda fá í hendur samning sem þeir þurfa að undirrita þar sem kveðið er á um hvernig greiðslu eftirstöðva skulda verður háttað. Allar nánari upplýsingar um skuldalækkun Landsbankans má finna á http://www.landsbanki.is/einstaklingsthjonusta/

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is