Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
06. október. 2011 01:01

Söfnunardagskrá í opinni dagskrá á Stöð2 fyrir SEM samtökin

Á morgun, föstudaginn 7. október, verður send út söfnunardagskrá þar sem Stöð 2 og SEM, samtök endurhæfðra mænuskaddaðra, standa fyrir fjáröflun fyrir viðgerðum á SEM húsinu við Sléttuveg 3. Árið 1989 braut Stöð tvö blað í sjónvarssögunni með því að senda út söfnunardagskrá í samstarfi við Áhugahóp um bætta umferðarmenningu og SEM samtökin og var  það í fyrsta skipti sem slík útsending var framkvæmd hér á landi í sjónvarpi. Þar var safnað samtals 12,5 milljónum í peningum, vinnuframlögum og gjöfum sem námu sömu upphæð. Söfnin varð til þess að SEM samtökin gátu byggt fyrsta fjölbýlishúsið á landinu sem er sérhannað með þarfir fólks í hjólastólum í huga.

SEM samtökin voru stofnuð árið 1982 af nokkrum mænusködduðum einstaklingum sem dvöldu á sama tíma á Grensásdeildinni í endurhæfingu. Nú eru félagar samtakanna um 70 að tölu og því miður fjölgar þeim jafnt og þétt vegna slysa sem leiða til mænuskaða. Flestir félagarnir eru fórnarlömb umferðrslysa en hestaslysum , vinnuslysum og íþróttaslysum, sem leiða til mænuskaða, fer fjölgandi.

 

Árið 1991 var SEM húsið tekið í notkun en þar eru 20 íbúðir og samkomusalur, auk aðstöðu fyrir hjúkrunar- og aðstoðarfólk fyrir íbúana. Á þeim 20 árum sem liðin eru hefur húsið farið mjög illa vegna raka- og steypuskemmda vegna hönnunargalla í klæðningu hússins. Nú er svo komið að húsið liggur undir skemmdum og því brýn þörf á að lagfæra það. SEM samtökin eru grasrótarsamtök sem njóta lítilla sem engra opinberra styrkja. Leigugjöldum er haldið í lágmarki og renna þær tekjur allar til reksturs hússins; rafmagns og hita, fasteignagjalda o.þ.l. SEM samtökin leita því til almennings til þess að þau geti staðið straum af kostnaði við viðgerðírnar – enda gefur það augaleið að fötlunin kemur í veg fyrir að íbúarnir annist viðhaldið sjálfir.

 

Útsendingin á Stöð tvö, sem ber yfirskriftina „Lifum heil“ hefst kl. 19.50 og er í opinni dagskrá. Fram koma landsþekktir listamenn svo sem Helgi Björns og Reiðmenn vindanna, Pétur Ben og Eberg, Halli Reynis, Múgsefjun, Steindi jr., Bent og Matthías Matthíasson, Frostrósir, með Friðriki Ómar og Margréti Eir, ásamt fríðu föruneyti og Kristín Sigurðardóttir söngkona. Auk þessara tónlistarmanna stíga Ari Eldjárn og Pétur Jóhann á stokk og fara með gamanmál . Þá má geta þess að sýnd verða áhugaverð viðtöl við félaga í SEM samtökunum um reynslu þeirra af mænuskaða.

 

Það er von þeirra sem standa að þessu átaki að söfninin geri SEM samtökunum kleift að gera við húsið sem þjóðin gaf þeim á sínum tíma.

-fréttatilkynning

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is