Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
07. október. 2011 08:01

Almenn ánægja meðal foreldra með starf KFÍA

Fræðslunefnd Knattspyrnufélags ÍA stóð í byrjun sumars fyrir könnun meðal foreldra barna og unglinga sem æfa hjá Knattspyrnufélagi ÍA. Í tilkynningu á heimasíðu félagsins segir að foreldrakönnunin sé liður í þeirri stöðugu viðleitni að gera gott starf betra. Félaginu er ekki kunnugt um að samskonar eða jafn viðmikil könnun hafi verið gerð hjá öðrum félögum í landinu. Góð þátttaka var í könnunni en svör bárust frá um 72% foreldra.  Könnuninni skiptist í fjóra hluta. Fyrsti hluti sneri að æfingum og þjálfun. Þar kom m.a. fram að 94% barna og unglinga finnst gaman á fótboltaæfingum og um 92% finnst æfingarnar vera fjölbreyttar og spennandi. 93% eru sátt með tímasetningu á æfingum.

 

 

 

 

Annar hlutinn er varðandi þjónustu skrifstofu félagsins og upplýsingar. Foreldrar virðast vera ánægðir með upplýsingagjöf og þjónustu sem skrifstofa félagsins veitir, en í öllum liðum voru ánægðir foreldrar vel yfir 90%. Þriðji hluti sneri að afstöðu til æfingagjalda og fjáraflana. Niðurstöðu þessa spurningaliðar var beðið af nokkurri eftirvæntingu, enda voru á árinu gerðar miklar breytingar á uppsetningu, útfærslu og innheimtu æfingagjalda. Niðurstaðan kom skemmtilega á óvart, segja forsvarsmenn KFÍA, enda höfðu verið uppi háværar og ósáttar raddir við breytt fyrirkomulag á innheimtu æfingagjalda. 89% foreldra eru sátt við fyrirkomulagið eftir breytingar, rétt um 11% eru ósátt við fyrirkomulagið. Sama svarhlutfall kom þegar spurt var um viðhorf til þess að vinnuframlag á Norðurálsmótinu hafi verið tengt við æfingagjöldin. Í fjórða hlutanum gafst þátttakendum kostur á að skrá það sem vel er gert, ábendingar um það sem betur má fara í starfseminni og aðrar athugasemdir. Þessi hluti könnunarinnar er mjög mikilvægur fyrir félagið til að vinna úr, því þarna gátu foreldrar komið sínum skoðunum og umhugsunarefnum beint til skila. Nánar má lesa um könnunina á heimasíðu KFÍA.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is