Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
10. október. 2011 09:01

Skrifað undir samkomulag um áframhald byggingar Sólmundarhöfða sjö

Viljayfirlýsing um að ljúka byggingu fjölbýlishússins að Sólmundarhöfða 7 á Akranesi var undirrituð af fulltrúum Regins, dóttur- og eignafélags Landsbankans, og Akraneskaupstaðar í bæjarþingsalnum sl. föstudag. Samkomulagið er gert með fyrirvara um samþykki bæjarstjórnar. Næstu skref í málinu eru að húsið fari nú í endurhönnun en síðan í kynningu meðal verktaka og loks í útboð. Áætlað er að hægt verði að byrja framkvæmdir að nýju við húsið um áramótin og ljúka byggingunni þess fyrir árslok 2012.

 

 

 

 

Viðstaddir undirskriftina voru fulltrúar Landsbankans og bæjarfulltrúar sem og framkvæmdastjóri og stjórnarformaður dvalarheimilisins Höfða. Sólmundarhöfði 7 er við gafl dvalarheimilisins en áætlað er að væntanlegir íbúar í húsinu njóti þjónustu frá Höfða. Helgi S. Gunnarsson framkvæmdastjóri Regins sagði áður en samkomulagið var undirritað að fagnaðarefni væri að þessi áfangi hefði náðst. Hann sagði að það væri einmitt svona samvinna sem þyrfti til, svo framkvæmdir kæmust aftur á fullt skrið í landinu og atvinnustig tæki að batna.

 

Eins og vikið hefur verið að hér í Skessuhorni hefur Sólmundarhöfði 7 verið hvað mest áberandi eftirhreyta hrunsins á Akranesi þar sem hússkrokkurinn tæplega hálfuppsteyptur stendur nánast við gafl dvalarheimilisins. Húsið átti að verða átta hæðir að stærð en við endurhönnun verður það minnkað í sex hæðir. Áætlað er að í því verði 25-30 söluvænlegar íbúðir. Það voru Jón Pálmi Pálsson bæjarritari og Sveinn Kristinsson forseti bæjarstjórnar sem voru fulltrúar kaupstaðarins í starfshópnum sem vann að framgangi byggingarinnar á Sólmundarhöfða, sem nú virðist í höfn.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is