Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
12. október. 2011 11:01

Uppheimar með kynningu á bókahátíðinni í Frankfurt

Bókaútgáfan Uppheimar á Akranesi mun kynna útgáfu sína og verk 20 höfunda á Bókahátíðinni í Frankfurt í Þýskalandi sem sett var við hátíðlega athöfn í gær og endar á sunnudaginn. Ísland er heiðursgestur Bókahátíðarinnar að þessu sinni og er heiðurinn sem Þjóðverjar sýna með þessu íslenskum bókmenntum að mörgum talinn mesti viðburður í sögu íslenskra bókmennta frá því Halldór Kiljan Laxnes hlaut bókmenntaverðlaun Nóbels 1955.

 

 

 

 

“Við hugsum okkur gott til glóðarinnar. Ég hef verið þarna nokkrum sinnum og skynjaði það í fyrra þegar Ísland tók við keflinu af Argentínu að það er mjög fágætt að lítil og fámenn þjóð eins og við fáum þessa viðurkenningu,” segir Kristján Kristjánsson hjá Uppheimum, en það var Kína sem skipaði heiðursess í Frankfurt á undan Argentínu. Kristján segir að þetta sé vegna þess að Íslendingar hafi staðið sig vel í bókaútgáfu, sem sýni sig í því að gefnar hafi verið út um 230 bækur í Þýskalandi sem annaðhvort séu eftir íslenska höfunda eða tengist Íslandi beint. “Mér sýnist að nú þegar hafi Ísland sett nýtt viðmið varðandi bækur sem kynntar verða í Frankfurt. Oft hafa þjóðir lagt meira upp úr landkynningu og pólitískri nálgun en minna upp úr bókmenntunum á þessari sýningu, en obbinn af því sem við Íslendingar kynnum nú eru fagurbókmenntir,” segir Kristján.

Til viðbótar má geta þess að þýski markaðurinn hefur reynst Íslandi, eins og hinum Norðurlöndunum, gátt til annarra landa, bæði suður á bóginn til Evrópu, en líka til Asíu og til hins enskumælandi heims. Framlag heiðursgestsins á Bókahátíðinni í Frankfurt fer ekki framhjá málsmetandi fólki í bókaútgáfu heimsins.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is