Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
13. október. 2011 12:01

Myndlistarskóli að taka til starfa á Akranesi

Anna Leif Elídóttir og Þórey Jónsdóttir, sem báðar eru menntaðir myndlistarmenn og myndlistarkennarar frá Listaháskóla Íslands, hafa sett á stofn Myndlistarskólann á Akranesi sem tekur til starfa nk. mánudag 17. október. Skólinn verður til húsa í Fróðá á Safnasvæðinu í Görðum, gula húsinu með grænu hurðinni.  Skólastarfinu er hleypt af stokkunum með myndlistarnámskeiði fyrir börn frá 6 til 13 ára og námskeiði í olíumálun fyrir 16 ára og eldri. Eftir áramót er síðan stefnt að því að kenndur verði grunnur í teikningu og fleiri myndlistarnámskeið, bæði fyrir börn og fullorðna.

 

 

 

 

Anna Leif hefur kennt myndmennt, mótun, hönnun og smíði í Brekkubæjarskóla frá 2005. Hún hefur auk þess kennt í Myndlistarskólanum í Kópavogi bæði olíu- og aquarelle málun. Hún hefur tvisvar fengið styrk frá Menningarráði Vesturlands til að halda listsmiðjur fyrir unglinga á Akranesi og í Hvalfjarðarsveit. Þórey Jónsdóttir útskrifaðist af myndlistarbraut Listaháskóla Íslands 2008 og frá kennaradeild Listaháskólans 2009 með réttindi til að kenna myndlist á grunn-og framhaldsskólastigi. Hún hóf störf við Brekkubæjarskóla 2011 en hefur haldið myndlistarnámskeið fyrir börn og fullorðna á eigin vegum. Sumarið 2011 hélt hún listasmiðjur fyrir börn á hinum ýmsu bæjarhátíðum á vegum hugMYND myndlistamiðstöðvarinnar sem hún stofnsetti árið 2011. Nánari upplýsingar um námskeiðin er að finna á heimasíðu Myndlistarskólans á Akranesi, myndlistaskolinn.wordpress.com.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is