Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
17. október. 2011 09:51

Snæfell sótti tvö stig í Hafnarfjörðinn

Nýju Bandaríkjamennirnir hjá Snæfelli létu mikið til sín taka í fyrsta leik Snæfells í Iceland Express deild karla síðastliðinn föstudag. Þá mætti liðið Haukum á Ásvöllum í Hafnarfirði. Leikurinn var jafn og spennandi fram á lokamínútu en flestir höfðu spáð sannfærandi sigri Snæfells. Svo var þó ekki uppi á teningnum og þurftu Snæfellingar virkilega að hafa fyrir stigunum tveimur.  Heimamenn komu sterkir til leiks strax frá fyrstu mínútu og virtust ætla að hafa undirtökin í leiknum. Snæfellingar komust þó fljótt í gang og skiptust liðin á forystu allan leikinn. Staðan var jöfn í hálfleik, 43-43, en mikið vantaði upp á varnarleikinn hjá báðum liðum.

 

 

 

Haukar komu mjög sterkir inn í seinni hálfleikinn og þegar fjórði leikhluti var hálfnaður voru þeir komnir með níu stiga forystu. Þá tók Ingi Þór Steinþórsson, þjálfari Snæfells, leikhlé. Eftir það minnkuðu gestirnir muninn jafnt og þétt þar til þeir voru komnir með fjögurra stiga forskot og kláruðu leikinn með naumum sigri, 89-93.

 

Eins og áður sagði voru erlendu leikmennirnir Brandon Cotton og Quincy Hankins Cole atkvæðamestir í liði Snæfells, Brandon með 33 stig og Quincy með 17 stig, 15 fráköst og sex stoðsendingar. Pálmi Freyr Sigurgeirsson var með 16 stig og fimm fráköst, Sveinn Arnar Davíðsson var með 12 stig og sjö stoðsendingar, Ólafur Torfason sjö stig og átta fráköst, Jón Ólafur Jónsson með sex stig, níu fráköst og fjórar stoðsendingar og Hafþór Gunnarsson setti tvö stig. Stigahæstur í liði Hauka var Jovanni Shuler með 20 stig og sjö fráköst.

 

Fyrsti heimaleikur Snæfells er í kvöld, mánudaginn 17. október, þar sem það mætir Íslands- og bikarmeisturunum í KR.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is