Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
20. október. 2011 02:01

Stórtónleikar fyrir orgelsjóð Stykkishólmskirkju

Á morgun, föstudaginn 21. október kl. 20:00, verða haldnir stórtónleikar í Stykkishólmskirkju til ágóða fyrir orgelsjóð kirkjunnar. Hólmarar hafa nú í nokkur ár staðið í söfnun fyrir nýju orgeli sem hæfir nýju kirkjunni og nú er komið að lokasprettinum, þar sem nýja orgelið er einmitt nú í vikunni að leggja af stað heim frá Þýskalandi.  Á tónleikunum kemur glöggt í ljós hve tónlistarlífið í Stykkishólmi er fjölbreytt og öflugt. Fram koma einsöngvarar og hljóðfæraleikarar í ýmsum hlutverkum, tveir kórar, a.m.k. tvær hljómsveitir og lúðraflokkur. Flestir kennarar tónlistarskólans koma fram í ýmsum hlutverkum sem og margir núverandi og fyrrverandi nemendur skólans.

Blásarasveit úr tónlistarskólanum leikur á lúðra. Kór Stykkishólmskirkju, kletturinn í kirkjustarfinu, syngur létt lög. Hinir lífsglöðu karlar í Karlakórnum Kára syngja. Hólmfríður Friðjónsdóttir syngur ásamt dóttur sinni hinni bráðefnilegu Lilju Margréti og með Gunnari Þorgeirssyni óbóleikara. “Afmælisbandið” sem stofnað var þegar byggingameistari kirkjunnar Bjarni Lárentsínusson varð 80 ára flytur nokkur lög frá gullaldarárum BL ásamt stórsöngvurunum Þórhildi Pálsdóttur og Lárusi Á. Hannessyni. Síðast en ekki síst skal nefna STÓRSVEIT sem er skipuð tónlistarfólki á öllum aldri með Jósep Blöndal í fararbroddi ásamt söngvaranum Elvari Þór Steinarssyni sem flytur nokkur lög Fats Domions.

 

Af þessari upptalningu má sjá að gleðin mun ráða ríkjum á föstudagskvöldið í kirkjunni og ekkert kynslóðabil. Enginn má missa af þessari tónlistarveislu og vissara að koma tímanlega til að fólk nái nú örugglega sæti. Aðgangseyrir er kr. 1.500 en að sjálfsögðu verður tekið á móti frjálsum framlögum.

 

Fréttatilkynning frá undirbúningsnefnd

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is