Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
28. október. 2011 02:58

Snæfell lá í Hellinum

Leikmenn karlaliðs Snæfells riðu ekki feitum hesti frá viðureign sinni við ÍR-inga í IE deildinni. Liðin léku í Hellinum, heimavelli ÍR inga í gær. Snæfellingar tóku forystu í byrjun leiks og virtust ætla sér stóra hluti í leiknum en þeir leiddu með 16 stiga mun þegar blásið var til loka fyrsta leikhluta með stöðuna 35-19. ÍR ingar komu til annars leikhluta ákveðnir í að veita viðspyrnu, þeir skoruðu fyrstu tólf stigin áður en Quincy Hankins- Cole náði að koma Snæfelli á blað. ÍR jafnaði leikinn 39-39 og virtust þar með komið með töglin og hagldirnar í leiknum sem endaði með þvi að ÍR ingar skoruðu 29 stig á móti 11 stigum í leikhlutanum og staðan í hálfleik 48-46 ÍR í vil. Í upphafi þriðja leikhluta virtust Snæfellingar ætla að girða sig í brók, þeir tóku forystu í byrjun en ÍR ingar voru ekki á þeim buxunum að gefa frá sér sigurinn og þegar mínúta var eftir af þriðja leikhluta var staðan 61-61 og leikurinn opinn í báða en ÍR ingar voru sterkari á endasprettinum og leiddu 66-63 í lok leikhlutans.

Í byrjun fjórða leikhluta fóru svo ÍR ingar langleiðina með að gera út um leikinn, þeir náðu tíu stiga forskoti og staðan 73-63. Þann mun náði lið Snæfellinga ekki að vinna upp en síðustu mínutur leiksins voru þó þeirra og náðu þeir að laga stöðuna aðeins. Þegar flautað var til leiksloka höfðu Snæfellingar náð að minnka forystu ÍR inga og lokatölur leiksins voru 85-80 ÍR í vil.

 

Hjá Snæfell var Quincy Hankins-Cole með 21 stig og 9 fráköst, Jón Ólafur Jónsson gerði 15 stig og tók 11 fráköst og Marquis Hall komst vel frá sínum fyrsta leik eftir örfáar æfingar með nýja liðinu sínu með 10 stig, 10 fráköst og 9 stoðsendingar.

 

Í liði ÍR var Nemanja Sovic stigahæstur í sigurliðinu með 26 stig og 3 fráköst, Níels Dungal gerði 14 stig, tók 14 fráköst og gaf 5 stoðsendingar og Williard Johnson skoraði 11 stig og tók 4 fráköst. Snæfell er með fjögur stig að loknum fjórum leikjum í Iceland Express deildinni og í áttunda sæti nú sem stendur.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is