Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
03. nóvember. 2011 09:30

Sagnakvöld í Safnahúsi

Sagnakvöld verður haldið í Safnahúsi Borgarfjarðar í Borgarnesi í kvöld, fimmtudaginn 3. nóvember kl. 20. Í tilkynningu frá Safnahúsinu segir að dagskráin verði í senn fjölbreytt og borgfirsk.  Á dagskrá verða kynningar á nokkrum nýjum bókum sem tengjast héraðinu með einum eða öðrum hætti auk þess sem tónlist kemur við sögu. Ari Sigvaldason mun kynna bókina Víst þeir sóttu sjóinn - Útgerðarsaga  Borgfirðinga. Helgi Kristjánsson hefur skrifað endurminningar sínar frá Trönu og hafa þær fengið nafnið Í björtum Borgarfirði. Trönustrákur segir frá. Viðar Hreinsson segir frá bók sinni Bjarni Þorsteinsson - Eldhugi við ysta haf, og Kristín Á. Ólafsdóttir syngur nokkur þjóðlög í minningu þjóðlagasafnarans góða. Að lokum kynnir Bjarni Guðmundsson bók sína um Farmalinn: Alltaf er Farmall fremstur.  

 

 

 

Gróska í útgáfu

Að venju er mikil gróska í útgáfu rita er tengjast héraðinu með einum eða öðrum hætti. Meðal þess sem nefna má í þessu sambandi er að Óskar Guðmundsson hefur skrifað ævisögu Þórhalls Bjarnarsonar biskups sem um tíma var þingmaður Borgfirðinga. Nefnist sú bók Brautryðjandinn. Þriðja ljóðabók Bjarna Valtýs Guðjónssonar Döggin skær, lítur dagsins ljós innan tíðar og þá hefur Þorsteinn frá Hamri sent frá sér nýja ljóðabók sem nefnist Allt kom það nær, sem án efa á eftir að njóta hylli lesenda eins og fyrri verk hans. Kristín Thorlacius heldur áfram ötulu þýðingarstarfi sínu og Ævar Þór Benediktsson sendir frá sér sína aðra bók. Nú bregður hann sér í gervi prófessors Ævars sem yngri kynslóðin þekkir vel úr Stundinni okkar. Þá má þess einnig geta að 11. árgangur Borgfirðingabókar, ársrits Sögufélags Borgarfjarðar, kom út fyrr á þessu ári en það hefur nú komið út samfellt frá árinu 2004.

Sagnakvöldið verður að venju í sýningarsalnum (Börn í 100 ár) á neðri hæð Safnahúss. Að þessu sinnier það haldið í minningu þess mikla fræðaþular Kristleifs Þorsteinssonar, en í ár eru 150 ár liðin frá fæðingu hans.

-fréttatilkynning

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is