Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
03. nóvember. 2011 10:01

Skeljabætur fari í fastar skorður

Bæjarstjórn Stykkishólmsbæjar skorar á Jón Bjarnason, sjávarútvegs- og landbúnaðarráðherra, að setja skeljabætur í fastar skorður á meðan úthlutun aflaheimilda er enn í óvissu. Í bókun frá bæjarstjórn segir að allt frá hruni hörpuskelstofnsins í Breiðafirði árið 2003 hafi skeljaútgerðir í Stykkishólmi mátt lifa í mikilli óvissu en allt útlit sé fyrir að stofninn verði ekki í veiðanlegu magni næstu árin. Bæjarstjórn telur að skeljaútgerðirnar eigi rétt á að leiðrétt verði sú skerðing sem átt hefur sér stað frá þeim tíma er skeljabótum var fyrst úthlutað fiskveiðiárið 2003/2004 burtséð frá fyrirhuguðum breytingum á gildandi fiskveiðistjórnunarkerfi. Þess má geta að þá var skerðingin um 30% miðað við þorskígildistonn en frá þeim tíma hafa bæturnar skerst um 56%.

Þá hafi fyrirtæki í Stykkishólmi, sem hafa fengið bæturnar, ekki leigt þær frá sér, heldur unnið allan þorskkvóta sinn á staðnum. Auk þess hafa þau keypt af mörkuðum fyrir vinnslur sínar.

“Ekkert byggðarlag hefur orðið fyrir eins miklu tjóni í sjávarútvegi vegna náttúrulegra hamfara og stjórnvaldsaðgerða frá árinu 2003 fram til dagsins í dag. Um er að ræða gríðarlegt hagsmunamál sveitarfélagsins í atvinnu- byggða og tekjulegu samhengi. Tvö skelvinnslufyrirtæki hafa eytt miklum fjármunum í að varðveita húsnæði og vélar sem nýttar hafa verið til skelvinnslu,” segir í áskorun bæjarstjórnar Stykkishólmsbæjar til ráðherra.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is