Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
03. nóvember. 2011 04:06

Landmælingar fengu viðurkenning fyrir nýsköpun í opinberum rekstri

Landmælingar Íslands fengu í dag viðurkenningu fyrir nýsköpun í opinberum rekstri fyrir verkefnið ,,Örnefni á vefnum" á ráðstefnu á Grand Hótel í Reykjavík. Viðurkenningin var afhent af Steingrími J. Sigfússyni fjármálaráðherra en að ráðstefnunni stóðu Félag forstöðumanna ríkisstofnana, Stofnun stjórnsýslufræða við Háskóla Íslands, fjármálaráðuneytið, Rannís og Nýsköpunarmiðstöð Íslands.

Verkefnið „örnefni á vefnum“ snýst um að byggja upp gagnagrunn um örnefni af öllu Íslandi og að hanna örnefnasjá (http://atlas.lmi.is/ornefnasja/) þar sem megin markmiðið er að opna aðgengi að örnefnum á auðveldan og notendavænan hátt. Örnefnagrunnurinn inniheldur yfir 58 þúsund örnefni og fer þeim sífellt fjölgandi enda mikill áhugi almennings á varðveislu örnefna og um leið sögu íslenskrar þjóðar og náttúru.

Örnefnagrunnurinn hefur á undanförnum árum verið unninn í samvinnu við nafnfræðisvið Stofnunar Árna Magnússonar í íslenskum fræðum.

Lögreglan á Hvolsvelli hlaut Nýsköpunarverðlaun í opinberum rekstri 2011 vegna verkefnisins „Skipulag rýminga vegna jökulhlaupa sem fylgja eldgosum í Kötlu og Eyjafjallajökli. Samstarf íbúa og almannavarnayfirvalda.“ Þá fengu auk verkefnis Landmælinga Íslands eftirtalin tvö verkefni sérstaka viðurkenningu: Blindrabókasafn Íslands fyrir verkefnið „Yfirfærslu bókakosts Blindrabókasafns Íslands yfir á stafrænt form“ og Lögreglan á höfuðborgarsvæðinu fyrir verkefnið „Notkun samfélagsmiðla (Facebook og Twitter) á sviði löggæslu“. Nánari upplýsingar eru á nýsköpunarvefnum www.nyskopunarvefur.is sem var opnaður á ráðstefnunni um nýsköpun í opinberum rekstri.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is