Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
17. nóvember. 2011 04:35

Gott kvöld í kvöld - Verslunin Bjarg er 45 ára

Verslunin Bjarg á Akranesi fagnar 45 ára starfsafmæli nú í ár. Af því tilefni er viðskiptavinum boðið Gott kvöld í kvöld klukkan 18:30 til 21:30. Veittur verður 15% afsláttur af öllum vörum; fatnaði, skóm, snyrtivörum og fleiri vörum. Kynntar verða nýjungar í snyrtivörum og fatnaður fyrir dömur og herra kynntur auk þess sem boðið verður upp á léttar veitingar m.a. frá Ölgerðinni. Eigendur verslunarinnar, hjónin Örlygur Stefánsson og Ásta Gísladóttir, segjast ánægð með árin bak við búðarborðið. „Það hefur að sjálfsögðu margt breyst þennan tíma en á heildina litið hafa þetta verið góð 45 ár,“ segja þau aðspurð um reksturinn. Faðir Örlygs stofnaði verslunina Bjarg ásamt öðrum í ágúst árið 1966 og var verslunin upphaflega staðsett á Skólabraut 21, en hjónin tóku alfarið við rekstrinum í desember 1973. Þau reka nú tvær verslanir, fataverslun sem staðsett er við Stillholti 14 og húsgagnaverslun á Kalmansvöllum 1a.

 

 

 

Aðspurð hvort tilkoma Hvalfjarðarganganna á sínum tíma hafi haft neikvæð áhrif á verslunarreksturinn segja þau svo ekki vera. „Það voru náttúrulega plúsar og mínusar fylgjandi því að leiðin til Reykjavíkur styttist. Við erum að fá talsvert af viðskiptavinum frá Reykjavík og ég held að almennt séu verslanir á Akranesi mjög vel samkeppnishæfar við verð í sambærilegum verslunum í Reykjavík,“ segir Ásta.

 

Örlygur og Ásta segja að ekki standa til að efna til mikilla hátíðarhalda vegna afmælisins annað en það sem um verður að vera í kvöld. Aðspurð segja þau mestu máli skipta að eiga trausta og góða viðskiptavini sem hafi haldið tryggð við verslunina í gegnum áratugina. „Birgjarnir skipta ekki síður máli en við erum með tvö vörumerki sem við höfum verið með frá byrjun en það eru herrafatamerkin JBS og Melka,“ segir Ásta að lokum.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is