Forsíða
Auglýsing
Rss straumur af fréttum frá Skessuhorni
Lágnætti. Fjórði Óðinsdagur í Gormánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
01. desember. 2011 06:45

Jarðvangur á Snæfellsnesi – kynningarfundur í Eyja- og Miklaholtshreppi

Laugardaginn  3. desember nk. kl. 14 -17 verður haldinn fræðslu- og kynningarfundur í  félagsheimilinu Breiðabliki í Eyja- og Miklaholtshreppi um jarðvanga og nýtt aðalskipulag  fyrir sveitarfélagið, sem nú er í auglýsingu. Gert er ráð fyrir jarðvangi í skipulaginu. Hreppsnefnd Eyja- og Miklaholtshrepps  stendur fyrir fundinum í samvinnu við Teiknistofu Guðrúnar Jónsdóttur.

Á þessum fundi mun Haraldur Sigurðsson eldfjallafræðingur og forstöðumaður Eldfjallasafnsins í Stykkishólmi segja frá hugmyndum um jarðvang á Snæfellsnesi. Þá mun Sigurður Sigursveinsson framkv. stj. Háskólafélags Suðurlands kynna hinn nýstofnaða Kötlujarðvang með Mýrdalsjökul og Eyjafjallajökul í öndvegi. Auk þess mun Kristján Pálsson frkv.stj. Ferðamálasamtaka Suðurnesja tala um hugmyndir um jarðvang á Reykjanesi, sem nú er í undirbúningi. Kaffiveitingar á staðnum. Sturla Böðvarsson mun stýra fundi.

 

 

 

 

Í september á þessu ári fékk fyrsti jarðvangurinn, Katla-jarðvangur, inngöngu í Evrópusamtök jarðvanga (European Geoparks Network) og í alþjóðasamtök jarðvanga hjá Sameinuðu þjóðunum (UNESCO Global Geopark Network). Undirbúningur stóð yfir í tvö ár og svæði jarðvangsins er Rangárþing eystra, Mýrdalshreppur og Skaftárhreppur. Nú hafa verið stofnaðir 87 jarðvangar í 27 löndum og þeim fjölgar hratt um allan heim.

 

Hvað er jarðvangur?

Aðeins er rúmur áratugur frá stofnun fyrsta jarðvangsins, sem tveir ungir jarðfræðingar stóðu að. Vinsældirnar felast í áherslu á jarðfræðilega fjölbreytni, sögu og menningu tiltekins svæðis, sem kalla má samsamþættingu mannlífs og náttúru. Ekki er gerð krafa um sérstök lög eða reglugerðir, en svæðismörk eru oftast sveitarfélagamörk. Þetta form hentar afar vel í sveitum þar sem heimalönd og afréttarlönd tengjast. Áhersla er lögð á sjálfbærni, varðveislu fornminja og náttúruminja og öflugt atvinnulíf, sérstaklega ferðamennsku. Svæðið þarf að vera nægilega stórt svo þróun geti átt sér stað. Áhersla er lögð á merkingu svæðisins, góðar upplýsingar og stuðning við fræðslu og vísindastarf. Það er svo í hendi heimamanna að mynda stjórn jarðvangsins og halda utan um þróun hans.

 

Snæfellsnes kjörið fyrir jarðvang

Fáir ef nokkrir staðir á Íslandi henta betur fyrir jarðvang en Snæfellsnes. Flestar bergtegundir finnast þar á afmörkuðu svæði, nokkrar stórar eldstöðvar og mikill fjöldi fjölbreyttra eldstöðva og hrauna dreifast um allt nesið. Eitt af sérkennunum eru ölkeldurnar. Auk Snæfellsjökull eru Ljósufjöll mest áberandi, en þau eru megineldstöð með röðum eldstöðva út frá sér, sem ná yfir Helgafellssveit og Hnappadal og alla leið að Grábrók í Norðurárdal. Báðum megin Ljósufjalla eru sveitir, sem hafa átt mjög í vök að verjast vegna fólksfækkunar og einhæfs atvinnulífs. Fólksfækkun er vandi á Snæfellsnesi eins og annarsstaðar utan höfuðborgarsvæðisins. Ferðamennska hefur verið að skjóta rótum, en hún myndi mjög eflast við stofnun jarðvangs á innanverðu Snæfellsnesi.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is