Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
15. desember. 2011 06:45

Hætt við ráðningu í starf vegna niðurskurðar

Ekki verður um sinn ráðið í stöðu framkvæmdastjóra Framkvæmdastofu og Skipulags- og umhverfisstöðu Akraneskaupstaðar sem auglýst var fyrir skömmu. Ástæðan er sú að við gerð fjárhagsáætlunar fyrir næsta ár, sem er nýlokið, var gripið til þess ráðs að draga úr kostnaði með því að leitast við að sinna þeim verkefnum með færri starfsmönnum en verið hefur. Að sögn Árna Múla Jónasonar bæjarstjóra er hugmyndin þar að baki, að í ljósi lítilla framkvæmda og verkefna þessi misseri megi reyna að spara þarna eina stöðu. “Þetta er alls ekki óskastaða og það er hundleiðinlegt að málin skyldu þróast svona vegna umsækjendanna um starfið og ég skil vel að þeir séu ekki ánægðir en ég bið þá að sýna því skilning að fjárhagslegar forsendur hafa breyst frá því að starfið var auglýst,“ segir Árni Múli.

 

 

 

 

Auglýst var í stöðuna sökum þess að síðsumars var ákveðið samkvæmt ákvæðum í starfsmannareglum bæjarins að framkvæmdastjóri áðurgreindra stofa hjá Akraneskaupstað, Þorvaldur Vestmann, léti af starfinu vegna aldurs, en gert var ráð fyrir að hann héldi kjörum sínum og ynni áfram að verkefnum á þessum sviðum. Við þá ákvörðun að hætta við ráðningu nýs framkvæmdastjóra hefur Þorvaldi verið boðið að halda áfram sínu starfi sem framkvæmdastjóri.

Alls sóttu um starfið 29 en 23 voru eftir þegar sex höfðu dregið umsóknir til baka þar sem þeir óskuðu nafnleyndar, sem ekki var fallist á. Nokkrir umsækjenda höfðu verið teknir í viðtal vegna fyrirhugaðrar ráðningar sem nú hefur verið hætt við.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is