Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
15. desember. 2011 01:31

Fjárfestingar Borgarbyggðar 207 milljónir á næsta ári

Fjárhagsáætlun Borgarbyggðar var afgreidd eftir aðra umræðu á fundi sveitarstjórnar í síðustu viku. Áætlunin gerir ráð fyrir að rekstrarafgangur samstæðureiknings verði 1,7 milljón og framkvæmdir og fjárfestingar 207 milljónir. Nokkrar breytingar urðu á fjárhagsáætluninni milli umræða, sem m.a. leiddi til þess að niðurstaðan varð réttu megin við núllið. Í fjárhagsáætluninni er gert ráð fyrir að skatttekjur verði 1.967 milljónir, sem er hækkun upp á tæp átta prósent.

 

 

 

 

Minnihluti sveitarstjórnar, sem sat hjá við afreiðslu fjárhagsáætlunarinnar, lagði fram bókun. Þar segir m.a. að sú fjárhagsáætlun sem lögð er fram leiði til enn frekari þjónustuskerðingar á flestum sviðum grunnþjónustu. Megi þar til dæmis nefna framlög til félagsþjónustu aldraðra sem lækkar úr 10,6 milljónum í 7,7 milljónir milli ára. “Því til viðbótar ætlar meirihlutinn að stórhækka álögur á íbúa, s.s. með hækkun þjónustugjalda í leikskóla, sem voru með þeim hæstu á landinu fyrir, mötuneytisgjöld og félagslega heimaþjónustu. Atvinnurekendur fá einnig sinn skerf því álagningaprósenta fasteignaskatts á atvinnuhúsæði verður hækkaður skv. tillögu meirihlutans,” segir í bókun minnihlutans sem bendir á að ítrekað hafi hann bent á aðrar leiðir til að ná niður skuldum sveitafélagsins, s.s. sölu eigna og endurskipulagningu á rekstri sveitarfélagsins en þær hugmyndir hafa ekki hlotið brautargengi.

 

Meirihlutinn bókaði einnig vegna afgreiðslu fjárhagsáætlunarinnar. Þar segir m.a. að

gjaldskrárhækkanir séu í lágmarki og haldi þær ekki í við verðlagsþróun á aðföngum og launum.Grunnstoðir sveitarfélagsins séu sterkar og ekki eru lagðar til breytingar á þeim. “Á árinu 2011 var samþykkt aukning á þjónustu í fræðslumálum s.s. í sérkennslu og sérfræðiþjónustu. Framlegð frá rekstri er 16,4% sem sýnir að reksturinn er í ásættanlegu horfi og veltufé frá rekstri er 10% og stendur undir afborgunum langtímalána. Samkvæmt áætlun er gert ráð fyrir að skuldir sveitarsjóðs lækki um 136 milljónir, en skuldir fyrirtækja sveitarfélagsins hækka um 208 milljónir vegna fjármögnunar á byggingu hjúkrunarálmu við Dvalarheimili aldraðra í Borgarnesi, en sá kostnaður verður endurgreiddur af ríkinu í gegnum húsaleigu,” segir m.a. í bókun meirihlutans. Þar eru einnig tilgreind framlög Borgarbyggðar til Háskólans á Bifröst til þess að styrkja stöðu hans og starfsemi í héraðinu. Lokið verði við byggingu nýrrar álmu við Dvalarheimilið en framkvæmdin ásamt kaupum á mennta - og menningarhúsinu Hjálmakletti eru stærstu og fjárfrekustu framkvæmdir sveitarfélagsins um þessar mundir.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is