Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
29. desember. 2011 08:01

Nýárstónleikar í Tónbergi á Akranesi verða 7. janúar

Laugardaginn 7. janúar heldur Kór Akraneskirkju nýárstónleika í Tónbergi, sal Tónlistarskólans á Akranesi. Tónleikarnir hefjast kl. 17 og bera yfirskriftina „2012“. Þetta verður mikil tónlistarveisla í byrjun ársins og óhætt að lofa góðri skemmtun. Fyrir hlé er efnisskráin  byggð upp á þjóðlegu efni þar sem íslensk þjóðlög og frumlegar túlkanir á ljóðum íslenskra skálda munu hafa sinn sess og má þar sérstaklega nefna Fjallgöngu eftir Tómas Guðmundsson og Gunnarshólma eftir Jónas Hallgrímsson en þessi stórbrotnu kvæði verða flutt með tilþrifum. Einnig verða flutt fjögur dægurlög úr smiðju Freymóðs Jóhannssonar (12. september) en þau hefur Skarphéðinn Hjartarson útsett sérstaklega fyrir kórinn.

 

 

 

 

Eftir hlé og léttar veitingar verður fluttur kórlagaflokkur eftir jazzpíanistann George Shearing sem hann samdi við texta eftir William Shakespeare. Þetta er frábær tónlist eftir þennan heimsfræga snilling. Geroge Shearing fæddist blindur en hóf ungur að leika á píanó og átti glæsilegan feril. Hann lést 14. febrúar síðastliðinn. Þessi lagaflokkur hefur ekki verið fluttur á Íslandi og má því segja að um tónlistarviðburð sé að ræða.

Með Kór Akraneskirkju koma fram á tónleikunum þeir Gunnar Gunnarsson píanóleikari og Tómas R. Einarsson kontrabassaleikari. Þeir munu leika með kórnum en einnig koma fram einir og sér og flytja lög úr smiðju Shearing. Félagar úr kórnum munu einnig stíga á stokk.

Forsala á tónleikana er í versluninni Bjargi við Stillholt og eru miðar á tónleikana t.a.m. tilvalin jólagjöf. Er hægt að fá miða í sérstökum gjafaumbúðum. Miðaverð er kr. 3000.

-Fréttatilkynning

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is