Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
30. desember. 2011 06:48

Sagna tvíbaka í Landnámssetri á nýju ári

„Feðgarnir frá Kirkjubóli í Hvítársíðu“ er tvöföld sagnaskemmtun hinna skemmtilegu sagnameistara Silju Aðalsteinsdóttur og Böðvars Guðmundssonar sem frumsýnt verður í Landnámssetrinu í Borgarnesi laugardaginn 7. janúar. Silja hefur leikinn með sögu Guðmundar Böðvarssonar og kvennanna í lífi hans. Guðmundur skáld var alla ævi umkringdur ástríkum konum en þrjár skipuðu heiðurssess í lífi hans: Móðirin Kristín Jónsdóttir skáldgyðja hans, Ragnheiður Magnúsdóttir og eiginkona hans Ingibjörg Sigurðardóttir; sólin sem kyssti hann. Í dagskrá Silju um Guðmund Böðvarsson verður athyglinni einkum beint að samskiptum hans við þessar þrjár konur og áhrifunum sem þær höfðu á líf hans og ljóð.  „Í seinni sagnaskemmtuninni segir Böðvar Guðmundsson sögur úr sveit sem ekki er lengur til. Fleira vill Böðvar ekki láta uppi – en við bíðum full eftirvæntingar,“ segir í tilkynningu frá Landnámssetrinu.

 

 

 

Takmarkaður sýningarfjöldi er á Sagna tvíbökuna. Böðvar Guðmundsson er búsettur í Danmörku og gerir sér sérstaklega ferð til Íslands til að færa áhorfendum þessar skemmtilegu sögur. Hann heldur utan 16. janúar sem þýðir að sýningum lýkur þann 15. Eins og áður segir verður frumsýnt 7. janúar kl. 16 og kl. 20. Í fyrri sýningunni kl. 16 segir Silja Aðalsteinsdóttir frá Guðmundi Böðvarssyni rithöfundi og konunum í lífi hans en í þeirri seinni sem hefst kl. 20 segir Böðvar sögur úr Síðunni og kallar það sögur úr sveit sem ekki er til. Önnur sýning er 8. janúar og þriðji sýningardagur 15. janúar.Miðaverð er kr. 1500 fyrir eina sýningu en kr. 2000 fyrir báðar.

 

Hægt verður að fá sér matarmiklar súpur á milli sýninga fyrir kr. 2500 með kaffibolla og súkkulaðimola. Í boði verða hin margrómaða Seyðkonusúpa Landnámsseturs sem er tómatlöguð kjötsúpa með piparrótarrjóma og austurlensk fiskisúpa, sem er kókós- og rjómalöguð fiskisúpa.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is