Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
31. desember. 2011 09:01

Fyrstu bílarnir komnir í hús hjá Fornbílafélagi Borgarfjarðar

Fornbílafélag Borgarfjarðar var stofnað 24. mars á þessu ári. Stofnfélagar voru um 70 talsins og fór stofnfundurinn fram í fyrrum gærukjallara sláturhússins í Brákarey þar sem félagið hefur fengið aðstöðu. Frá stofnfundinum hafa félagsmenn og áhangendur þeirra unnið markvisst að lagfæringum húsnæðisins, enda verður það framtíðar aðsetur félagsins. Í tilkynningu frá félaginu kemur fram að síðdegis á Þorláksmessu hafi félagar verið boðaðir í húsið til að taka formlega við fyrstu bílunum til geymslu. Fyrsti bíllinn í hús og jafnframt fyrsta bifreiðaeign félagsins var Land Rover, sennilega árgerð 1961. Þessi bíll er höfðingleg gjöf Gunnars Eiríkssonar bónda frá Grjóti í Þverárhlíð, en Gunnar hafði alla tíð átt bílinn sem bar númerið M-64. Nokkrir hagleiksmenn í félaginu komu bílnum í gangfært horf en til þess þurfti kunnáttu, því bíllinn hafði staðið inni í skemmu á Grjóti síðastliðin 20 ár án þess að hafa verið hreyfður.

Eftir Land Rover Gunnars á Grjóti fóru í húsið þrír bílar frá Sæmundi Sigmundssyni, einn frá Sigurði Þorsteinssyni og einn frá Unnsteini Þorsteinssyni til geymslu og aldrei að vita hvað síðar verður um þennan fyrsta bílaflota Fornbílafélagsins.

 

„Áfram verður unnið við lagfæringar á húsinu því mikill hugur er í mönnum að gera það sem best úr garði þannig að það geti þjónað hagsmunum félagsins sem best og bifreiðaeign félagsmanna. Allir þeir sem unna bílum og e.t.v. fornum bílum sérstaklega, eru hvattir til að gerast meðlimir í félaginu,“ segir að lokum í tilkynningu frá félaginu.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is