Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
30. desember. 2011 03:06

Förum eftir leiðbeiningum um notkun flugelda

Flugeldar hafa verið órjúfanlegur þáttur áramótanna áratugum saman hér á landi og margir geta ekki hugsað sér tímamótin án þeirra. Flugeldarnir eru þó ekki hættulausir og algengast er að fólk brenni sig af völdum þeirra. Hiti sjóðandi vatns er 100°C en þegar flugeldum er skotið upp gefa þeir frá sér hita á bilinu 800 - 1200°C hita. Leiðbeiningarnar á flugeldum taka mið af þessari hættu og því skiptir öllu máli að fara eftir þeim í hvívetna. Flest slys verða þegar fólk ber sig ekki rétt að og notar ekki þann sjálfsagða hlífðarbúnað sem flugeldagleraugu og skinn- eða ullarhanskar eru.

 

Til að áramótin megi verða ánægjuleg og slysalaus er nauðsynlegt að kynna sér neðangreindar ráðleggingar:

  • Passa þarf börnin vel því þau þekkja ekki hætturnar eins vel og fullorðnir.
  • Börn eiga ekki að umgangast flugelda og fylgihluti nema undir eftirliti fullorðinna.
  • 12 ára og yngri mega ekki kaupa neinar flugeldavörur og mjög takmarkað er hvað 12 til 16 ára mega kaupa. Eldri hópurinn má kaupa vörur sem ekki eru nein aldurstakmörk á, t.d. þær sem ætlaðar eru til notkunar innanhúss og nota má allan ársins hring.
  • Flugeldavörur eru ekki leikföng og ekki má nota þær í hrekki. Slys hafa hlotist af slíku t.d. varanlegur heyrnarskaði.
  • Hugið að dýrum í kringum áramótin, þau hræðast oft hljóðin og ljósin af flugeldunum.
  • Ekki má vera með flugeldavörur á brennu. Jafn saklaus hlutur og blys getur valdið slysi þar vegna þess hve margt er um manninn.
  • Áfengi og flugeldar fara aldrei saman. Margir virða þetta ekki og hafa einkum karlmenn á besta aldri slasað sig af þessum sökum.
  • Flugelda á að geyma á þurrum stað, þar sem börn ná ekki til. Ekki er mælt með að geyma þá milli ára.
  • Lesið vel allar leiðbeiningar sem fylgja flugeldum áður en skotið er upp.
  • Hlífðargleraugu eiga allir að nota, sama hvort þeir eru að skjóta upp eða bara að horfa á.
  • Hendur þeirra sem skjóta upp eða eru með handblys eru best varðar með skinn- eða ullarhönskum.
  • Þegar skotið er upp á að geyma flugeldana fjarri þeim stað sem skotið er upp á.
  • Aldrei geyma flugeldavörur í vasa, ekki einu sinni eldspýturnar. Nokkur brunaslys hafa orðið undanfarin ár af völdum rokeldspýtustokks í vasa.
  • Skjótið upp á opnu svæði í a.m.k. 20 m fjarlægð frá húsum, bílum og fólki og látið þá sem fylgjast með standa vindmegin við skotstað.
  • Aldrei má kveikja í flugeldum sem haldið er á, það má eingöngu með sérmerkt handblys.
  • Rakettur verða að vera á traustri undirstöðu þegar þeim er skotið upp.
  • Stöðug undirstaða er nauðsynleg fyrir standblys og skotkökur og þau þurfa mikið rými.
  • Aldrei má halla sér yfir vöru þegar kveikt er í. Tendra skal á kveiknum með útréttri hendi og víkja strax frá.
  • Ef flugeldur springur ekki skal ekki nálgast hann í nokkrar mínútur þar sem hætta er á að hann rjúki allt í einu upp. Ekki reyna að kveikja aftur í heldur hellið vatni yfir hann.
  • Brunasár á að kæla strax með 15-17°C vatni.
  • Slys af völdum fikts með flugelda hafa orðið um hver áramót. Helst meðal ungra stráka sem breyta eiginleikum flugeldavaranna með því að taka þær í sundur. Þeir gera sér ekki grein fyrir hve hættulega iðjan er en að baki hverjum flugeldi liggja ítarlegar prófanir og rannsóknir sem tryggja að hann sé sem öruggastur. Ef eiginleikunum er breytt er engan veginn hægt að vita hvernig flugeldurinn springur, hversu hratt það gerist eða hver krafturinn verður. Því er mikilvægt að forráðamenn séu meðvitaðir um hvað börn þeirra gera þessa daga og lofi þeim ekki að meðhöndla flugeldavörur án eftirlits. 
Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is