Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
02. janúar. 2012 10:33

Egill Egilsson úr Snæfelli í Skallagrím

Egill Egilsson nýútskrifaður stúdent og körfuknattleiksmaður hefur ákveðið að ganga til liðs við Skallagrím nú á nýju ári. Borgnesingar heygja nú mikla baráttu í 1. deild við að komast upp í Iceland express deildina. KFÍ situr sem fastast í efsta sæti en Skallagrímur er í öðru sæti með 12 stig, jafnt Breiðabliki, en Höttur og Hamar eru svo með tíu stig í 4. - 5. sæti. Egill á því von á hörkuleikjum framundan. Á vef Snæfells er rætt við Egil sem þá var að pakka fyrir Borgarnesferðina, en hann byrjar nú störf sem stuðningsfulltrúi í Borgarbyggð.

Fyrst var hann spurður um ástæðu vistaskiptanna nú? „Það eru nokkrir hlutir sem spila inn í, en helsta ástæðan er sú að ég er nýútskrifaður úr framhaldsskóla og fékk ekki vinnu í Hólminum. Skallagrímsmenn buðu mér hins vegar vinnu og því ákvað ég að skella mér á það. Auk þess fannst mér kominn tími til að prófa eitthvað nýtt þó svo að maður hefði auðvitað viljað klára tímabilið með Snæfelli.“

Skallagrímsmenn eru nú í mikilli baráttu við öflug lið um að komast upp í úrvalsdeild og eru heitir. Hefur þú þá trú, líkt og flestir Snæfellingar, að þið komist upp svo að Vesturlandseinvígin verði aftur að veruleika? „Að sjálfsögðu hef ég trú á því og er stefnan sett á að fara upp. Það væri auðvitað óskandi fyrir þá sem búa á Vesturlandi að eiga tvö lið í úrvalsdeild enda fátt skemmtilegra en svona nágrannaslagir.“

En er Egill spenntur fyrir þessari nýju áskorun í Borgarnesi? „Já, ég er mjög spenntur fyrir þessu, enda mikill metnaður hérna fyrir því að koma Skallagrími í efstu deild þar sem liðið á klárlega heima.“

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is