Forsíða
Auglýsing
Rss straumur af fréttum frá Skessuhorni
Náttmál. Fjórði Sunnudagur í Haustmánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
12. janúar. 2012 09:20

Búið að undirrita samning um leigu Þverár í Borgarfirði

Síðastliðinn miðvikudag var undirritaður leigusamningur um veiðirétt í Þverá, Kjarará og Litlu-Þverá í Borgarfirði vegna áranna 2013 til 2017. Leigutaki er einkahlutafélagið Starir sem er í eigu Davíðs Mássonar, sem jafnframt er stjórnarformaður, Halldórs Hafsteinssonar og Ingólfs Ásgeirssonar. Starir bauð hæsta verðið í útboði um veiðiréttinn sem fram fór í haust en tilboði voru opnuð 1. nóvember sl. Starir taka við vatnasvæðinu af Sporði ehf. sem verið hefur leigutaki sl. þrjátíu ár og lýkur leigutíma Sporðs haustið 2012. Starir greiðir 111,7 milljónir króna í leigu fyrir árnar en það verð tekur breytingum eftir vísitölu sem reiknast frá tilboðsopnun 1. nóvember sl. Leigutakar greiða að auki hlut Þverár í uppkaupum netalagna í Hvítá.

Kristján F Axelsson formaður veiðifélagsins kvaðst aðspurður sáttur við samninginn. „Það er búið að leggja mikla vinnu í hann. Ég met þennan samning það góðan að ég skrifaði sáttur undir,“ sagði Kristján í samtali við Skessuhorn. Aðspurður um þremenningana sem tengjast hinu nýja veiðifélagi Störum, sagði Kristján að mennirnir tengist allir flugrekstri. Tveir þeirra starfa við flugrekstur og búa í Sviss en einn þeirra býr hér heima og flýgur fyrir Atlanta. Allir eru þeir laxveiðiáhugamenn og sagði Kristján að Ingólfur hefði m.a. verið leiðsögumaður við ár í Borgarfirði og þekki vel til við Kjarará. Þá þekkir hann vel til í fararstjórn við laxveiði en slík þekking nýtist vel í þeim verkefnum sem Starir taka brátt að sér fyrir landeigendur við Þverá og Kjarará.

 

Meðfylgjandi mynd er frá undirritun leigusamningsins. Sitjandi f.v. Kristján F. Axelsson formaður Veiðifélags Þverár og Ingólfur Ásgeirsson forsvarsmaður Stara ehf. Standandi f.v. eru Garðar Víðir Gunnarsson hdl. hjá LEX, Magnús Skúlason, Jóhannes Helgason og Ólafur Magnússon stjórnarmenn í Veiðifélagi Þverár, Arndís Kristjánsdóttir eiginkona Ingólfs Ásgeirssonar og Jónas A. Aðalsteinsson hrl. hjá LEX sem hafði yfirumsjón með útboði og gerð leigusamningsins. Ljósm. Sigurjón Ragnar.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is