Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
20. janúar. 2012 11:25

Tilþrifalítill sigur Snæfells á Haukum

Leikur Snæfells og Hauka þótti tilþrifalítill og lítill fyrir augað, en liðin mættust í IE-deildinni í Stykkishólmi í gærkveldi. Snæfell vann að lokum öruggan sigur 80:70 og var með frumkvæðið í leiknum allan tímann, en munurinn var aldrei mikill. Snæfell er nú í 7. sæti deildarinnar með 12 stig líkt og ÍR og Tindastóll sem eru á sömu slóðum í töflunni. Stutt er í önnur lið og því góðir möguleikar fyrir Snæfellinga að ná betra sæti áður en til úrslitakeppni kemur.  Snæfell var með fjögurra stiga forystu eftir fyrsta leikhluta, 14:10. Heimamenn juku síðan muninn í byrjun annars leikhluta en það dugði skammt því gestirnir bitu frá sér og staðan var 34:30 fyrir Snæfell í hálfleik.

Snæfellingar komu sterkir til leiks í seinni hálfleiknum, einkum Pálmi Freyr sem byrjaði á því að setja niður tvo þrista. Í stöðunni 49:40 hrukku Haukar aftur í gang og löguðu stöðuna 49:46. Kaflaskil urðu þegar Snæfell náði að slíta sig frá gestunum að nýju og komst í 60:48. Fjórði leikhluti hófst líkt og sá fyrsti, lítið skorað, hittni slök, mistök og mikið hnoð og harka. Sveinn Arnar skoraði góðan þrist og staðan varð 72:56 fyrir Snæfell þegar lokaátökin hófust. Haukarnir voru seigir undir lokin og náðu að saxa á þetta forskot en ekki nóg þannig að Snæfell stóð uppi sem öruggur sigurvegari.

 

Hjá Snæfelli var Quincy Cole stigahæstur með18 stig og 12 fráköst, Marquis Hall gerði 15, Pálmi Freyr Sigurgeirsson 13, Sveinn Arnar Davíðsson 12, Jón Ólafur Jónsson 8, Óskar Hjartarson 5, Ólafur Torfason 5 og Hafþór Ingi Gunnarsson 4. Hjá Haukum var Christopher Smith stigahæstur með 22 stig og 13 fráköst.

 

Snæfell sækir KR heim í næstu umferð í IE-deildinni fimmtudagskvöldið 26. janúar.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Dalabyggð

Framtíð Breiðafjarðar

Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Grundarfjarðarbær

Bæjarstjórnarfundur

Dalabyggð

Sveitarstjórn Dalabyggðar - 181. fundur

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is