Forsíða
Auglýsing
Rss straumur af fréttum frá Skessuhorni
Miðdegi. Þriðji Óðinsdagur í Haustmánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
20. janúar. 2012 10:53

Bóndadagur og þorrinn því genginn í garð

Í dag hófst þorri með tilheyrandi fögnuði Vestlendinga sem og annarra landsmanna sem gleðjast yfir væntanlegum þorrablótum með tilheyrandi drekkhlöðnum trogum af kyndugu súrmeti á borð við hrútspunga, sviðasultu, slátur og lundabagga. Ýmsar hefðir, misjafnlega gáfulegar, fylgja deginum. Á ritstjórn Skessuhorns var til að mynda í morgun boðið upp á morgunkaffi sem samanstóð af pönnukökum frá Soroptimistaklúbbi Akraness, hákarli frá Hildibrandi í Bjarnarhöfn og harðfiski frá Valentínusi Guðnasyni útgerðarmanni og fiskverkanda hjá Friðborgu í Stykkishólmi. Allt fór þetta afar vel saman.

Þorri er fjórði mánuður vetrar samkvæmt gamla íslenska tímatalinu og hefst að jafnaði á fyrsta föstudegi í 13. viku vetrar. Fyrsti dagur þorra ber heitið bóndadagur en sá síðasti sem er laugardaginn 18. febrúar þorraþræll. Bóndadagurinn hefur í seinni tíð verið tileinkaður húsbændum landsins og eiginmönnum en þorraþrællinn stundum piparsveinum og einhleypum körlum.

 

Orðið þorri hefur oft verið notað í samhengi sagnarinnar „að þverra“ og lýsingarorðsins „þurr“. Á slík notkun orðsins vafalaust rætur rekja til þeirrar daga er Íslendingar kúldruðust í ljóslausum og köldum torfkofum veturlangt. Líkindi eru að erfiðasta tímabil vetrarins hafi verið á þorra og góu en sennilegt er að á mörgum bæjum hafi skammt verið eftir að matarbirgðum á þessum árstíma. Fleyg eru af þessum sökum orðatiltæki er tengjast þorra á borð við „að þreyja þorrann.“

Þorrablótin sem þorri er helst þekktur fyrir í dag eru í minni samtímans hálfgerður óður til þeirra daga er súrmatur var helsti kostur Íslendinga. Íslendingar heiðra þá gömlu dagana með því að neyta samskonar matar og forfeðurnir. Opinber þorrablót hófust á Íslandi á ofanverðri 19. öld og er sá siður orðinn svo að segja að föstum lið í menningu landsmanna.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Grundarfjarðarbær

Starf aðalbókara laust til umsóknar

Dalabyggð

Framtíð Breiðafjarðar

Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Grundarfjarðarbær

Bæjarstjórnarfundur

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is