Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
27. janúar. 2012 01:29

Mikill baráttusigur hjá Snæfelli í vesturbænum

Snæfellingar sýndu ótrúlegan karakter þegar þeir sigruðu KR-inga í IE-deildinni í Vesturbænum í gærkveldi í háspennuleik sem endaði 94:93. Þar með náðu þeir að hefna fyrir tap í bikarleiknum í vikunni þegar KR vann sannfærandi sigur. Við þennan sigur kom Snæfell sér upp í pakkann frá miðbiki deildarinnar og upp í toppinn. Snæfellingar eru nú með 14 stig, tveimur stigum minna en KR sem situr í öðru sæti deildarinnar jafnt að stigum og þrjú önnur lið. KR-ingarnir leiddu framan af leik og höfðu mest 14 stiga forskot á tímabili. Staðan í hálfleik var 53:42 fyrir KR. Snæfellingar voru þó aldrei langt undan og komu sér inn í leikinn með góðum kafla í upphafi þriðja leikhluta og svo aftur í upphafi fjórða leikhluta þar sem þeir náðu sínu stærsta forskoti í leiknum, sex stigum stig. Snæfell hafði svo betur á lokakaflanum.

Liðin skiptust á að setja niður þriggja stiga körfur og spennan í húsinu magnaðist með hverju skotinu. Jón Ólafur Jónsson fékk sína fimmtu villu og í sömu andrá fór Quincy Hankins-Cole út af vegna meiðsla í fæti. Þegar þrjár mínútur voru eftir höfðu KR-ingar minnkað muninn í tvö stig, 87:89. Brown kom KR yfir af vítalínunni þegar tvær mínútur voru eftir, 90:89. Quincy Hankins-Cole kom þá aftur inná og kom Snæfell aftur yfir með hörku troðslu 90:91. Þegar 50 sekúndur voru eftir tók Hrafn Kristjánsson leikhlé fyrir KR en þá höfðu KR hent boltanum frá sér eftir fremur klaufalega sókn. Snæfell svaraði í sömu mynt og henti líka frá sér boltanum í næstu sókn. Marquis Hall kórónaði svo góðan leik sinn með því að stela boltanum af Joshua Brown þegar 11 sekúndur voru eftir af leiknum og þar með tryggja Snæfell sigurinn, 94:93.

 

Stigahæstur í liði Snæfells var Quincy Hankins-Cole með 27 stig og 7 fráköst en næstir komu svo Jón Ólafur Jónsson með 22 stig og 9 fráköst og Marquis Hall með 17 stig og 5 stoðsendingar. Hafþór Gunnarsson skoraði 9 stig, Sveinn Arnar Davíðsson og Pálmi Freyr Sigurgeirson 6 hvor, Ólafur Torfason 4 og Óskar Hjartarson 3. Í liði KR var Joshua Brown stigahæstur með 23 stig.

 

Í næstu umferð fær Snæfell Þór Þorlákshöfn í heimsókn. Sá leikur er á dagskrá fimmtudagskvöldið 2. febrúar.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Dalabyggð

Framtíð Breiðafjarðar

Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Grundarfjarðarbær

Bæjarstjórnarfundur

Dalabyggð

Sveitarstjórn Dalabyggðar - 181. fundur

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is