Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
15. febrúar. 2012 12:15

Sveitarstjórn dregur til baka nafngift skólastofnunar

Á fundi sveitarstjórnar Hvalfjarðarsveitar í gær var samþykkt tillaga þess efnis að sveitarstjórn falli frá fyrri ákvörðun sinni frá því í desember síðastliðnum um nafn á sameinaða skólastofnun í sveitarfélaginu; grunnskólann Heiðarskóla og leikskólann Skýjaborg. Þá hafði að undangenginni nafnasamkeppni meðal nemenda skólans og íbúa nafnið Tindaskóli orðið hlutskarpast. Þar sem sveitarstjórn dregur nú fyrri ákvörðun sína um nafn á skólann til baka samþykkti hún jafnframt tillögu þess efnis að fram fari skrifleg skoðanakönnun meðal íbúa sveitarfélagsins þar sem allir kosningabærir íbúar geti skráð hvert það nafn sem þeir vilja fyrir a) sjálfan skólann í Hvalfjarðarsveit, b) grunnskólasvið og c) leikskólasvið. Fáist ekki afgerandi niðurstaða í skoðanakönnuninni verið kosið milli efstu nafna.

 

 

 

Ákvörðun þessi er tekin í kjölfar undirskriftasöfnunar sem fram fór í sveitarfélaginu nú í janúar þar sem meirihluti kosningabærra íbúa mótmælti nafngiftinni. Laufey Jóhannsdóttir sveitarstjóri sagði í samtali við Skessuhorn að sveitarstjórn hefði þótt einsýnt að ekki yrði gengið framhjá vilja svo margra kosningabærra íbúa. Laufey harmaði hins vegar þessa niðurstöðu í því ljósi að það hafi meðal annars verið nemendur skólans sem stóðu að nafnasamkeppninni og nafnið Tindaskóli hefði þar orðið hlutskarpast. Nú væri niðurstaðan hins vegar þessi og færi því af stað nýtt ferli með skoðanakönnun þar sem nafn á sameinaða skólastofnun yrði valið af fullorðnum íbúum sveitarfélagsins eingöngu.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is