Forsíða
Auglýsing
Rss straumur af fréttum frá Skessuhorni
Miðdegi. Þriðji Óðinsdagur í Haustmánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
17. febrúar. 2012 06:30

Málþing um fjölmiðla og landsbyggðina í Snorrastofu um næstu helgi

Snorrastofa og Skessuhorn taka saman höndum á  fjórtánda afmælisdegi Skessuhorns, á morgun laugardaginn 18. febrúar, og efna til opins málþings um fjölmiðla á landsbyggðinni, hlutverk þeirra og stöðu. Málþingið verður haldið  í Hátíðarsal Héraðsskólans í Reykholti og stendur frá kl. 14 til 17. Það verður borið uppi af fyrirlesurum, sem hafa innsýn og reynslu af fjölmiðlum og málefnum þeirra og hafa látið þau mál til sín taka. Í lok fyrirlestra verða pallborðsumræður og fyrirspurnir. Málþingið er öllum opið og allt áhugafólk um framgang landsbyggðarinnar sérstaklega hvatt til að mæta.

Erindi flytja:

 

Birgir Guðmundsson, dósent og deildarformaður félagsvísindadeildar Háskólans á Akureyri : Staðbundin fjölmiðlun – lýðræði og lífsgæði;

 

Þóroddur Bjarnason prófessor við Háskólann á Akureyri og stjórnarformaður Byggðastofnunar: „Þú ert með einhvern svona derring“ Útvarp Reykjavík og almannarými landsbyggðanna;

 

Áslaug Karen Jóhannsdóttir blaðamaður: Fjölmiðlar og unga fólkið; J

 

Jón Jónsson þjóðfræðingur, Kirkjubóli á Ströndum: Svæðismiðlar, sjálfsmynd og ímynd;

 

Ragnar Karlsson deildarstjóri Mennta- og menningarmáladeildar Hagstofu Íslands og stundakennari við HA og HÍ: Fjölmiðlun utan Ártúnsbrekku: Staða fjölmiðla á landsbyggðinni;

 

Gísli Einarsson fréttamaður RÚV: „Hljóð úr horni eða hljóð í horni?“

 

Dagskrárstjóri verður Magnús Magnússon, ritstjóri Skessuhorns.

 

Það fer vel á að halda upp á afmæli Skessuhorns með því að fjalla um hlutverk og stöðu fjölmiðla á landsbyggðinni. Rekstur og framganga fjölmiðla á landinu öllu er eitt af stærstu hagsmunamálum þeirra sem þar búa og hlýtur að teljast til þess, sem skiptir miklu máli í sjálfsmynd þjóðarinnar allrar.

 

Leiðin að kastljósi fjölmiðlanna hefur löngum reynst löng og bugðótt þeim, sem vilja koma hugðarefnum sínum á framfæri. Þeir, sem reynt hafa að komast að hjá stærri fjölmiðlum, sem teljast þjóna öllu landinu og hafa jafnvel lögbundna skyldu til þess, reka sig oftar en ekki á að fátt er um undirtektir. Þó eru fjölmiðlarnir fullir af efni. Af þessu leiðir að sjálfstraustið dvínar og virðing fyrir viðfangsefnunum minnkar.

 

 

Hlutverk fjölmiðla er sannarlega flókið fyrirbæri og málþinginu er í sjálfu sér ekki ætlað að útskýra það, heldur fremur að ítreka nauðsyn þess að landsbyggðin sitji við sama borð og þeir, sem í þéttbýlinu búa og varpa ljósi á þau tæki, sem notuð eru til að svo megi verða.  Það hlýtur að teljast ávinningur samfélagsins alls að fækka þeim tilvikum þar sem íbúum finnst að mynd fjölmiðlanna sé ekki sú, sem auga og eyra greinir í þeirra nánasta umhverfi.  Skessuhorn og Snorrastofa hvetja alla til að koma og taka þátt í  áhugaverðri  og vekjandi  dagskrá. Aðgangur kr. 1000 með kaffiveitingum.

 

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Grundarfjarðarbær

Starf aðalbókara laust til umsóknar

Dalabyggð

Framtíð Breiðafjarðar

Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Grundarfjarðarbær

Bæjarstjórnarfundur

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is