Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
24. febrúar. 2012 02:22

Fiskiskipum fjölgaði um 30 á milli ára

Alls voru 1.655 fiskiskip á skrá hjá Siglingastofnun í lok árs 2011 og hafði þeim fjölgað um 30 frá árinu áður. Hagstofan tekur saman upplýsingar um skipaflotann. Fjöldi vélskipa var 764 og samanlögð stærð þeirra 82.777 brúttótonn. Vélskipum fjölgaði um þrjú á milli ára en flotinn minnkaði um 680 brúttótonn. Togarar voru alls 58 og fjölgaði um einn frá árinu á undan. Heildarstærð togaraflotans var 73.137 brúttótonn og hafði stækkað um 8.050 brúttótonn frá árinu 2010. Opnir fiskibátar voru 833 og 3.988 brúttótonn að stærð. Opnum fiskibátum fjölgaði um 26 milli ára og heildarstærð þeirra jókst um 131 brúttótonn.

 

 

 

 

Flest fiskiskip voru með skráða heimahöfn á Vestfjörðum í árslok 2011, 375 skip, um 23% fiskiskipastólsins. Næst flest, alls 308, voru með heimahöfn skráða á Vesturlandi, tæp 19%. Fæst skip voru með skráða heimahöfn á Suðurlandi, alls 77, en það samsvarar um 5% af heildarfjölda fiskiskipa. Opnir bátar voru flestir á Vestfjörðum, alls 211, og á Vesturlandi voru þeir 168. Fæstir opnir bátar voru með heimahöfn á Suðurlandi, alls 18. Vélskip voru einnig flest á Vestfjörðum, 158 talsins, en fæst á Norðurlandi vestra, 49 skip. Flestir togarar voru með heimahöfn skráða á höfuðborgarsvæðinu og Norðurlandi eystra, 11 í hvorum landshluta. Fæstir togarar voru skráðir á Vesturlandi, alls fjórir.

 

Meðalaldur íslenska fiskiskipastólsins var tæp 24 ár í árslok 2011. Meðalaldur vélskipa var rúm 22 ár, togaraflotans tæp 27 ár og opinna fiskibáta rúm 23 ár. Meðalsmíðaár fiskiskipaflotans var árið 1987 og þilfarsskipaflotans (vélskipa og togara) árið 1988.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is