Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
01. mars. 2012 07:03

Skaginn hf. gerir milljarðasamning við færeyskt sjávarútvegsfyrirtæki

Skaginn hf. á Akranesi gekk síðdegis í dag frá einum stærsta samningi sem gerður hefur verið hér á landi um sölu á tæknibúnaði til fiskvinnslu. Þá var undirritaður samningur við fyrirtækið Varðin-Pelagic á Tvöroyri í Færeyjum um tæknibúnað í nýtt fiskiðjuver færeyska fyrirtækisins. Skaginn framleiðir hátæknibúnað í nýja fiskiðjuverið fyrir um 2,2 milljarða króna en ýmis önnur íslensk fyrirtæki, bæði á Akranesi og víðar, fá í sinn hlut hátt í 800 milljónir þannig að heildar virði viðskiptanna nemur um þremur milljörðum króna. Þar af skrifa Færeyingarnir undir 600 milljóna króna samning við Kælismiðjuna Frost. Skaginn hefur þegar hafið framleiðslu búnaðarins og bætt við starfsmönnum vegna þessa umfangsmikla verkefnis. Mikil vinna kemur auk þess í hlut annarra fyrirtækja á Akranesi og víðar sökum umfangs verksins og afgreiðslutíma. Óhætt er að segja að glatt hafi verið á hjalla eftir að samningur þessi var í höfn enda er hann stór á allan mælikvarða, ekki einungis fyrir Skagann, heldur landið í heild. Vermæti þessa samnings fyrir þjóðarbúið jafngildir t.d. því að loðnukvóti Íslendinga hafi verið aukinn um 10%.

Færeyingarnir eru að hefja byggingu nýs fiskiðjuvers fyrir uppsjávarfisk. Í færeyskum fjölmiðlum hefur komið fram að tækjabúnaður hússins komi að mestu frá Íslandi. Eigendur fiskiðjuversins eru útgerðarfélagið Varðin í Götu og Delta Seefood á Tvöroyri. Á heimasíðu Varðans kemur fram að nú hafi verið gengið frá lóðarleigusamningi við sveitarfélagið og byggingarleyfi er fengið. Þar kemur einnig fram að framleiðslugeta fiskiðjuversins á að vera 600 tonn á sólarhring í fyrstu en verði síðan aukin í þúsund tonn. Reiknað er með að fiskiðjuverið verði tilbúið til framleiðslu síðari hluta sumars.

Þess má geta að Varðin gerir út uppsjávarveiðiskipin Finn Fríða, Þránd í Götu, Júpiter og Saksaberg sem öll hafa verið við loðnuveiðar hér við land að undanförnu.

Skaginn á Akranesi er eitt stærsta fyrirtæki landsins í framleiðslu hátæknibúnaðar í frystihús. Eitt fullkomnasta fiskiðjuver Íslands fyrir uppsjávarfisk er hjá Síldarvinnslunni í Neskaupstað en það er búið tækjum frá Skaganum og afkastar um 500 tonnum á sólarhring. Þar vinna nú 20 manns á vöktum við loðnufrystingu en til samanburðar má geta þess að á meðan loðna var fryst í gamla frystihúsinu í Neskaupstað unnu þar 70 manns á vöktum við loðnufrystingu og afköstin voru 40 tonn á sólarhring. Slík hefur tæknibyltingin orðið við frystingu uppsjávarfisks síðustu 15-20 árin.

 

Ítarlegar verður greint frá samningnum og áhrifum hans fyrir Skagann hf og bæjarfélagið Akranes í næsta tölublaði Skessuhorns.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is